Lugo, 21 de novembro de 2015.- A voceira do Grupo Provincial do Partido Popular, Elena Candia, denuncia a parálise que vive a Deputación dende fai un mes e medio, polo que lle esíxelle ao Goberno bipartito que traballe e dea solucións aos problemas dos lucenses. “Estase ante un desgoberno provincial sen precedentes na historia da democracia, resultado dun bipartito que se atopa centrado, en exclusiva, nos seus problemas internos”, censura.
A voceira dos populares fixo referencia aos dous órganos colexiados de toma de decisións e de aprobación de asuntos de interese, o Pleno e a Xunta de Goberno, cuxo funcionamento se atopa entorpecido polos socialistas e os nacionalistas “incapaces de tomar decisións ou de promover asuntos que respondan ás demandas dos veciños, mentres recollen firmas para dar unha imaxe de normalidade que ninguén cre”.
En concreto, Candia puxo como exemplo que “por primeira vez, dende que son deputada, para esta sesión non se celebran comisións informativas e, polo tanto, estamos ante o primeiro Pleno no que non se presentan para a súa aprobación asuntos da xestión de Goberno. Os únicos puntos incluídos na orde do día son as mocións ou propostas políticas e os informes económicos trimestrais que realiza o departamento correspondente, de xeito rutinario”. Amais, a popular lembra que os nacionalistas e os socialistas seguen sen avanzar nos orzamentos da institución para o próximo ano, incumprindo con creces o prazo establecido na Lei Reguladora de Facendas Locais (15 de outubro), para presentar ao Pleno as contas para 2016.
Unha parálise xeral
A mesma situación de parálise se da nas Xuntas de Goberno xa que, segundo critica Candia, os principais acordos que adoptou o bipartito durante o seu primeiro mes e medio foron para deixar sen efecto resolucións e acordos do anterior Goberno popular. A voceira citou que paralizaron, por exemplo, o proxecto de iluminación do paseo do Río Rato, de grande interese para os veciños, ou a posta en marcha dun portal da transparencia en convenio cos concellos. “Estamos ante unha clara mostra da parálise do Goberno do PSOE e do BNG e da súa falta dun proxecto político que desenvolver en beneficio da provincia e dos seus cidadáns, xa que empregan o seu tempo en intentar, sen éxito, resolver as súas liortas internas”, precisa.
Investimentos do PP fronte a parálise do bipartito
Os datos contrapoñen a xestión do bipartito coa do Partido Popular na Deputación de Lugo, que durante o seu primeiro mes de Goberno continuou co funcionamento da administración dentro da normalidade, ademais de aprobar importantes actuacións de interese para a provincia, como son o incremento en medio millón de euros do SAF Básico, o financiamento íntegro do servizo de teleasistencia domiciliaria ou a aprobación de subvencións con colectivos sociais, que ascenderon a 291.200 euros.
Polo tanto, “esixímoslles que traballen, que cumpran coas súas responsabilidades de Goberno, co seu deber de dar resposta ás necesidades dos veciños”, reitera a popular, quen lles urxe “que deixen de denigrar a imaxe institución, e atendan aos cidadáns e aos problemas dos lucenses que demandan unha administración pública que desenvolva as súas funcións”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
