Burela, a 20 de novembro de 2015.- O Grupo Municipal Popular (GMP) presentará unha moción no pleno do concello burelés para que o goberno municipal “se comprometa a levar a cabo actuacións de coeducación en colaboración cos centros educativos do municipio enfocadas á prevención e sensibilización da violencia de xénero entre a o alumnado”.
Os populares entenden que “en materia de violencia de xénero, en concreto sobre a súa prevención, no concello burelés hai traballo feito e camiño andado, pero tamén somos conscientes de que queda traballo por facer e camiño por andar. Queremos lembrar que as primeiras bases deste traballo puxéronse con Raquel Río na concellería de Servicios Sociáis, creando o Centro de Información á Muller (CIM, un dos primeiros que comenzou a funcionar en Galicia), entre outras actuacións. A liña de traballo marcada naqueles anos de Río como concelleira tiveron continuidade co bipartito; e xa no último goberno do PP, con Diana Durán de concelleira, se impulsou definitivamente con novas activades, coma o Plano de Igualdade, a curtametraxe “Cara a cara”, talleres, etc.”.
Nese senso, desde o GMP “entendemos que non se debe baixar a garda, e polo tanto hai seguir traballando e abrindo novas liñas de actuación en materia de prevención da violencia de xénero; e neste campo, o traballo cos centros de ensino, comenzado durante o último goberno popular, é fundamental, e debe incrementarse se cabe”.
Os populares non esquecen “o traballo que se fai desde a sociedade civil: así, hai que destacar o traballo de colectivos do noso concello, como Mulleres en Igualdade, que están levando a cabo unha serie de actuacións fundamentáis e que resultan absolutamente impagables”.
Con todo, os populares lamentan que “haxa actividades que quedaron programadas polo goberno do PP e que non se teñen desenvolvido. Por exemplo, as actividades que conlevaba a curtametraxe ‘Cara a cara’, que xa tiñan que estar desenvolvéndose nos centros de ensino; non sabemos se é que non interesan, ou que a concelleira delegada de Servicios Sociáis está mui ocupada noutras cousas, pero sería bon que as retomara e aí tería o noso apoio”.
Desde o GMP “tampouco nos esquecemos de outras administracións. Por eso na moción tamén instamos á Xunta a que elabore un plano de Igualdade no ámbito educativo, co obxectivo de que sirva de referente a toda a comunidade educativa en materia de coeducación e prevención da violencia de xénero, dende unha perspectiva estrutural, integral e transversal”.
“No que se refire á Deputación, que nunca tivo unha actuación decida neste campo, entendemos que debe elaborar un plano de ámbito provincial de colaboración cos concellos para levar a cabo as actuacións demandadas por estes, en base á concesión de axudas, participación activa en actuacións en materia de prevención, cooperación técnica….”, indican os populares.
Finalmente, desde o GMP “facemos un chamamento ó conxunto da cidadanía para aportar todos e todas o noso gran de area para erradicar dunha vez por todas a lacra da violencia de xénero. Especialmente á xuventude, os cidadáns que no futuro asumirán a toma de decisións, para que tome conciencia e asuma a situación que se está a vivir, na que semana tras semana hai mulleres que son víctimas da violencia de xénero, e nenos e nenas que tamén o son, e que merecen xa non todo o noso apoio moral, senón a nosa axuda e compromiso directos como cidadáns”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
