CERVO, 11 DE NOVEMBRO. Os socialistas de Cervo non apoiaron a proposta orzamentaria para 2016 presentada no pleno do pasado luns polo equipo de goberno, pois consideran que “son unha contas que seguen sen ser instrumento fundamental de redistribución dos recursos entre os veciños, que se esquecen de calquer política social que axude a combatir a situación económica pola que atravesan a día de hoxe moitas familias cervenses e obvian políticas básicas para reactivar a economía local e afrontar o desemprego no noso municipio”.
Neste senso, dende o Grupo Municipal Socialista, aseguran que “non podemos consentir a liña continuísta dos últimos anos. Non é lóxico que o 82% do orzamento se destine aos capítulos de persoal e gastos correntes, e separando os epígrafes de pasivos financeiros, só se reserve o 12% dos mesmos, aos capítulos de inversións reais”.
Precisamente, ante este asunto “a pesares de incrementarse a partida de inversións un 199%, de 300.000 euros a 929.000 euros, o aumento con respecto ao ano pasado só supón un 2% máis porque segue sendo moi raquítica en relación ao total dos presupostos e ás necesidades dos veciños”.
En canto a persoal se refire, os socialistas insisten en que “nun concello de escasos 4.300 habitantes, non podemos adicar un total de 116.000 euros para o goberno municipal e 23.000 euros a gastos de protocolo, dietas, gastos diversos e outras indemnizacións. Tampouco é comprensible que continuemos incrementando o número de traballadores municipais e paralelamente tamén aumenten os gastos destinados a empresas externas, debemos rentabilizar moito mellor o potencial que dispoñemos de recursos humanos”.
Plan de emprego
Os membros do GMS cren inmensamente necesario “apostar por un Plan de Emprego que dinamice a economía local e facilite a inserción no mundo laboral dos veciños que así o precisen e sobre todo, de persoas adultas que perderon o seu emprego, con idades complicadas e perfís moi concretos. Deben ter en conta que o 70% dos parados cervenses son mulleres e a metade deles maiores de 45 anos”.
Políticas sociais
Ademais de afrontar o problema do desemprego, os socialistas ven escasas as cifras destinadas á emerxencia social e alertaron de que “non vale de nada facer previsión se despois non se executa, estos anos non se executou nin o primeiro euro. Son moitas as familias que están neste umbral de necesidade, que non poden pagar o recibo da luz ou a súa hipoteca. O goberno do Partido Popular é coñecedor desta situación pero segue mirando para outro lado. Durante o pleno, non logramos saber exactamente o porqué pero pedimos que este ano se invirta xa que efectivamente hai veciños con grandes necesidades”.
Gastos sen fins concretos
Por último, os socialistas saíron do pleno con certa desconfianza “son varios os capítulos de gastos que se incrementaron pero a maioría dos aumentos se titulan gastos diversos ou outros gastos. Quixemos coñecer os fins concretos aos que se refiren dende o goberno municipal pero non tivemos resposta. Ou seguen tendo falta de previsión total dos cartos municipais ou hai diñeiro que non se destinará a fins prioritarios e temémonos que pagarán dalgunha maneira prebendas e certos favores partidistas”.
Por todo, o Grupo Municipal Socialista votou en contra dos orzamentos a pesares da inevitable maioría absoluta do Partido Popular, pois “non vemos que se vaia traballar decididamente pola recuperación económica de Cervo, un Concello que perde poboación, perde servizos e segue en decaemento, nin se aposte por políticas de inversión básica para cubrir as necesidades máis importantes dos nosos veciños”.
Finalmente, remataron matizando ante a ironía do alcalde sobre o empadronamento do voceiro dos socialistas que “mal que lles pese, é veciño e está empadronado no Concello de Cervo dende hai máis de 40 anos”.
Na presentación do cartaz estiveron presentes os organizadores, membros da Asociación de Festexos A Medorra (Jordi Meitín, Julio Lamelas e Borja Cociña) acompañados da Primeira Tenente de Alcalde Mª Dolores Meitín. Ás 12 do mediodía dará comezo a festa co pregón a cargo de Basilio Otero, presidente da Federación Nacional de Cofradías de Pescadores. A xornada gastronómica estará amenizada por “Os Charangos de Neda” e polos cantos de taberna de “Espera que vou mexar”.
Trátase dun espazo de 33,5 metros cadrados situado nun inmoble da rúa Rosalía de Castro da localidade. O delegado territorial de Lugo, Javier Arias, e a alcaldesa de Viveiro, Mariña Gueimunde, formalizaron a entrega, que se fai en réxime de alugamento. Arias puxo en valor a colaboración entre a Xunta e as entidades locais para mellorar os servizos públicos que prestan no ámbito municipal.
"Consideramos que non estaría de máis a instalación dunha papeleira fixa na zona, co fin de mellorar a conservación do espazo". "Así mesmo, para quen corresponda, sinalamos que os eucaliptos situados no cantil representan un perigo evidente, tanto pola súa inestabilidade como polo risco que supoñen para as persoas".
O concelleiro de Mocidade, Francisco José Silvent, explicou que “ayer, jueves 10 de julio, pudimos disfrutar en la playa de Os Bloques de una tarde super entretenida desde las cuatro hasta las siete. Contamos con hinchables acuáticos, donde todos los ribadenses y visitantes disfrutaron de una tarde increíble”. O edil ribadense engadiu; “os esperamos porque habrá más juegos en la playa de Os Bloques. Desde la Concellería de Mocidade seguimos apoyando y dinamizando este fantástico verano”.
As personas interesadas en adquirir este número poden poñerse en contacto con algún membro de Esperanza para facerse co décimo, xa que serán as persoas da directiva da Asociación as que leven a cabo directamente a venda dos mesmos, e para iso o local do colectivo estará aberto todos os mércores deste mes de xullo de seis a oito da tarde
Ata o 12 de xullo, mozos e mozas poderán gozar, aprender e mellorar a súa técnica nun ambiente divertido e seguro. Está organizado pola FEGAN (Federación Galega de Natación) en colaboración co Concello de Cervo, este campus aposta polo deporte e a formación.
O alumnado pertence aos cursos subvencionados pola Xunta de Galicia, que se imparten en Academia A Mariña, “ao finalizar a formación conseguirán a titulación oficial”, explica Becky Hermida, directora de Academia A Mariña.
