Burela, 17 de novembro de 2015. A Concellaría de Servizos Sociais convocou tamén o V Concurso de Lemas 25 de novembro: día internacional para a eliminación da violencia contra as mulleres. O obxectivo do concurso, segundo explica Patricia Otero, “é transmitir a través de mensaxes curtas a importancia da educación en igualdade e da necesidade da eliminación da violencia contra as mulleres”.
As bases para poder participar son as seguintes:
1) Cada participante pode enviar ata un máximo de 5 lemas.
2) Cada participante propoñeralle á organización os lemas que elixiu enviando unha mensaxe de correo electrónico a cim@burela.org co asunto V Concurso de lemas 25 de novembro: Día internacional para a eliminación da violencia contra as mulleres, no que incluirá o seu nome completo, o seu número de teléfono e unha dirección de correo electrónico á que se poida responder.
3) O lema debe constar de sete palabras como máximo.
4) O lema debe ser o suficientemente significativo e estar relacionado co tema proposto.
5) Entre todos os lemas enviados escollerase un, que será o que distinga a celebración do Día Internacional para a eliminación da violencia contra as mulleres do ano 2016.
6) O xurado do concurso pode declarar deserto o mesmo.
7) O prazo de entrega dos lemas rematará o 20 de novembro de 2015. O lema gañador darase a coñecer no acto público que terá lugar o 25 de novembro no Auditorio da Casa da Cultura.
8) A persoa gañadora accederá a que a organización recoñeza publicamente a autoría do lema e divulgue o seu nome. Conservará os dereitos intelectuais sobre o lema, pero renunciará a reclamar calquera tipo de compensación pola utilización do lema e por tempo indefinido en calquera mención presente ou futura por parte do Concello de Burela.
9) A participación neste concurso implica a aceptación de todas as bases.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
