Lugo, 4 de decembro de 2015.- O portavoz do Grupo Popular no Senado e presidente do PP de Lugo, José Manuel Barreiro, asegurou este venres que o PP é o único que ten un “proxecto claro e realizable e equipo con capacidade para gobernar”. Barreiro fixo estas declaracións no acto de apertura de campaña. Nesta ocasión, a tradicional pegada de carteis foi substituída por unha pegada de imanes nas que cada persoa explicaba por que votar ao PP é a mellor opción.
O líder dos populares lucenses asegurou que “somos un partido con experiencia contrastada, con coñecemento dos problemas e con capacidade para tomar as mellores decisións para España, aínda que algunhas sexan difíciles e pouco agradables”. Neste sentido, Barreiro subliñou que o que o PP pode ofrecer aos españois o próximo 20-D “é seguridade, experiencia política e vocación de traballo”.
O cabeza de lista ao Senado pola provincia de Lugo recordou que “os gobernos non se improvisan” e que é necesario ter “un bagaxe acreditado”. Por iso, recordou que “non son bos os experimentos nin tampouco a volta a receitas caducas”. “Ou goberna o PP ou España volverá á crise e a destrución de postos de traballo”.
José Manuel Barreiro explicou que o principal reto do PP para a próxima lexislatura é seguir creando emprego para “chegar aos 20 millóns de ocupados en 2020” porque “a creación de postos de traballo é a mellor forma de defender as políticas sociais”. Barreiro tamén fixo referencia ao desafío catalán e insistiu en que só o Partido Popular defenderá “a unidade de España, a soberanía nacional, a igualdade dos españois e a legalidade”.
“O Presidente do Goberno que necesitamos é Rajoy”
O cabeza de lista dos populares por Lugo ao Congreso, Joaquín García Díez, animou a todo o mundo a seguir traballando “para manter ao Presidente do Goberno que necesita España, que é Mariano Rajoy”. Neste sentido García Díez recordou que foron as políticas do Partido Popular e o esforzo de todos os que conseguiron sacar a España da crise. “Corriximos os desequilibrios económicos e recuperamos a confianza internacional, imprescindible para a recuperación”.
O número un dos populares lucenses ao Congreso destacou que “o rumbo está marcado” e queda aínda moito por facer pero só o PP “pode garantir que a economía siga crecendo”. “Todo o demais -continuou- implica volver á recesión e ao abismo”. “A creación dun millón de postos de traballo entre 2014 e 2015 é o maior aval que ten este partido para pedir aos españois que volvan confiar en nós porque podemos ir moito máis alá”, concluíu.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Será o sábado 9 de maio ás 20 horas na Casa da Cultura. Homenaxeado: Xesús do Breogán, pola súa contribución á cultura e ao concello. Organiza: Son’s Varadero Foz. Colabora: Concello de Foz
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
