Trabada, 5 de decembro de 2015. O secretario xeral dos socialistas galegos, José Ramón Gómez Besteiro, lamentou este sábado en Trabada, durante unha reunión coas comunidades de montes, a actitude do inicio de campaña do PP na provincia de Lugo, onde demostrou que “a súa campaña será a da mentira e o cinismo”. Besteiro cualificou de “sorprendente” que a primeira medida anunciada por Ana Pastor sexa o AVE cando “hai catro anos a primeira decisión que tomou foi anular todos os proxectos” dos socialistas. “Basta de mentiras”, díxolle a Feijóo, tras lembrar que en 2009 asegurou que el mesmo pagaría a liña desde a Xunta se non a asumía o goberno estatal.
“Hai documentos e hemeroteca que o recollen”, apuntou o socialista. “Temos tantos exemplos que o que lles pedimos é un pouco de decencia, menos cinismo e menos mentiras”, xa que “en Lugo e en Galicia sabemos que foi o que se fixo coas infraestruturas ferroviarias. Foron paralizadas e anuladas polo goberno de Rajoy sendo ministra Ana Pastor”, dixo. “Foi a súa decisión anular todos os proxectos: a intermodal ou a paralización das variantes na zona de Sarria”, exemplificou.
“O PP hoxe non é garantía de cumplimento”
“En Lugo tamén recordamos ben cando no 2009 Feijóo prometía que se o goberno do Estado non facía a liña de AVE na provincia de Lugo a asumiría a Xunta. Basta de mentiras, de cinismo e díganlle á xente que é o que se pretende facer e que se cumpla, porque o PP hoxe non é garantía de cumplimento”, afirmou Besteiro.
O líder dos socialistas gelegos, xunto cos candidatos ao Congreso e o Senado, Margarita Pérez Herráiz e Ricardo Varela, e o presidente da Deputación, Darío Campos, mantivo unha reunión coas comunidades de montes en Trabada, na que lles trasladaron a aposta para solucionar “un dos principais problemas en Galicia, o do sector forestal”, no que Lugo é a principal provincia de Galicia, e que “ten unha potencia que se desaproveitou nos últimos anos”. Antes, os socialistas visitaron a feira da Pontenova, e posteriormente terán un encontro con militantes e simpatizantes en Burela, antes de acabar a xornada en Viveiro.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
