Santiago, 16 de decembro de 2015.- O Parlamento galego aprobou na mañá deste mércores unha proposición non de lei do Grupo Popular na que se insta á Xunta de Galicia a elaborar un estudo que determine aqueles criterios a empregar para acadar máis posibilidades de pesca para a flota galega do cerco, estudo que despois se remitiría ao propio Parlamento para o seu debate.
O obxectivo dos populares é dispoñer, “agora que remata a campaña e en función dos seus resultados”, dunha análise rigorosa que permita saber que cambios nos criterios de reparto serían máis favorables para o conxunto da flota, achegando unha solución obxectiva fronte á postura contraditoria que mantén o propio sector sobre as modificacións a introducir.
O portavoz do Mar do Grupo Popular, José Manuel Balseiro, manifestou que a Xunta e o Ministerio non se negan a un cambio nos criterios de reparto para esta flota, pero si amosou a necesidade de escoller aqueles que permitan garantir o máximo tempo posible a operatividade da flota galega do cerco ao longo do ano e facelo acadando os mellores prezos no mercado e, polo tanto, conseguindo máis valor para as súas capturas.
Balseiro lamentou que os partidos da oposición “non estean dispostos a asumir esta proposta e votaran en contra da mesma” e censurou que “se aproveite a división de opinións no seo da flota galega do cerco como arma política, en vez aceptar un estudo que os populares defenden como unha solución construtiva”.
O Goberno traballou en defensa do cerco
Durante a súa intervención na Comisión de Pesca do Parlamento galego, Jose Manuel Balseiro puxo en valor as xestións impulsadas polo Goberno galego en favor desta flota. Así, lembrou que foi posible mudar o modelo de xestión que existía con anterioridade, cando gobernaba o PSOE co apoio do BNG, baseado na pesca olímpica e sen apenas control, que deu como resultado importantes sancións por sobrepesca que aínda hoxe se están pagando.
Balseiro tamén indicou que a Xunta, en colaboración co Ministerio e diante das autoridades comunitarias, foi quen de negociar un incremento das cotas nas principais especies obxectivo desta flota (xarda, xurelo e bocarte), que desde 2009 teñen aumentado un 52 por cento.
Continxentes trimestrais para a raia
Por outra banda, o portavoz popular lamentou a negativa do BNG a aceptar unha emenda na que o PP defendía demandar ao Ministerio de Agricultura, Alimentación e Medio Ambiente a ordenación da pesquería da raia a través de continxentes trimestrais. “O obxectivo é que se poda adecuar a disposición de posibilidades de pesca desta especie ás épocas de maior actividade e valor comercial da mesma”, explicou.
Desde o BNG defendían a eliminación do TAC, unha decisión que Balseiro considerou “pouco realista”, xa que non depende de Galicia senón da Comisión Europea, que estableceu esta limitación ante a mala situación biolóxica desta especie que se captura como pesca accesoria doutras especies, como a centola ou o peixe sapo.
Centola galega, amparada por PescaDeRías
Finalmente, o Grupo Popular rexeitou tamén a iniciativa do BNG instando á creación dunha Indicación Xeográfica Protexida ou Denominación de Orixe para a centola galega. Neste sentido, Balseiro lembrou que esta especie xa forma parte da marca de calidade PescaDeRias, que xa garante tanto a súa orixe galega como a procedencia da pesca costeira.
O portavoz do Grupo Popular apuntou que “esta campaña foi planificada polo propio sector, a quen consultou a Consellería do Mar antes de aprobar os seus principais aspectos e que, lonxe da visión catastrofísta que sobre a mesma ten o BNG, estase a desenvolverse este ano con éxito, tanto no número de capturas como na estabilidade xeral dos prezos”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
