USO Alcoa denuncia que Comisións Obreiras pon á CIG na presidencia para que se queime

San Cibrao, 16 de decembro de 2015.- O feito de que CC.OO dese o apoio á CIG para ocupar a Presidencia do Comité de Empresa pero que acto seguido renunciase a ocupar a Secretaria do Comité que lle ofrecía a CIG, só ten un obxectivo desde o punto de vista do sindicato de USO, (Unión Sindical Obrera), e que sencillamente consiste en obrigar á CIG a gobernar en minoría para que acabe “queimándose” xa que lle será moi difícil sacar as súas propostas ao non asegurarse unha maioría de votos. CC.OO demostrou que xoga a dúas bandas xa que se desde un principio non tiña previsto axudar á CIG a levar as rendas do Comité, sinxelamente podía dar o seu apoio á UXT, que era o máis habitual dado a maior afinidade que teñen estes dous sindicatos entre si e a empresa, tamén vería esta opción con mellores ollos.

A CIG, que anos atrás xa estivo gobernando 4 anos con CC.OO debería terse asegurando antes os termos de cooperación e, por suposto, recollido por escrito e asinado, para desta forma impedir ser traizoado á hora de gobernar. Se isto non se consegue con antelación, é mellor ceder o protagonismo e evitar máis adiante a posible renuncia da presidencia alegando que che deixan gobernar porque non tes apoio do resto dos sindicatos.

Na anterior experiencia de cooperación CIG e CCOO, ao final, a CIG tivo nas posteriores eleccións sindicais un forte castigo electoral por parte dos seus votantes que non estiveron conformes coa experiencia de dita alianza.