O novo plan introduce como novidade a limitación por primeira vez da pesca accesoria, unha medida de gran calado que supón un avance cualitativo na protección do recurso
Santiago de Compostela, 26 de abril do 2026. A Xunta de Galicia, a través da Consellería do Mar, e o sector pesqueiro veñen de acordar os termos do plan experimental para a xestión do polbo correspondente á campaña 2026-2027. O obxectivo deste documento é dar continuidade ás medidas técnicas consensuadas nos últimos anos, as cales están a permitir a recuperación da especie tras as baixadas produtivas, axustando a pesca ao seu ciclo biolóxico.
Segundo o establecido neste novo plan, a actual campaña de pesca finalizará ás 23.59 horas do vindeiro 1 de maio, momento exacto no que se iniciará o período de veda biolóxica para o cefalópodo. Esta parada obrigatoria da actividade prolongarase durante os meses de maio e xuño, rematando ás 05.00 horas do 1 de xullo.
Durante este período de dous meses queda expresamente prohibida a captura, tenza a bordo, transbordo, desembarco, almacenamento, venda ou comercialización do polbo por medio de calquera arte. Ademais, as embarcacións que se dedican á súa captura coa arte da nasa deberán retirar estes aparellos do seu calamento e levalos a porto.
A piques de iniciarse esta veda, o balance da actual campaña (2025-2026) reflicte uns resultados excelentes que confirman o acerto dos esforzos do sector e da Administración. Ata a data, extraéronse nos portos galegos case 1.327 toneladas de cefalópodo, o que xerou un valor de facturación en lonxa de 14,75 millóns de euros.
Estas cifras supoñen unha mellora substancial respecto ao balance acadado na campaña anterior (2024-2025), na que se rexistraron descargas de 1.116 toneladas por un valor de 11,4 millóns de euros, amosando unha notable rendibilidade da actividade pesqueira.
Neste novo escenario, a Consellería do Mar e o sector decidiron introducir melloras cualitativas na xestión. Como gran novidade nesta campaña, o plan limita por primeira vez a pesca accesoria, unha medida de gran calado que supón un avance cualitativo na protección do recurso e asegura que a actividade se centre estritamente nos obxectivos de sustentabilidade marcados.
Condicións da nova campaña 2026-2027
Unha vez que remate a veda biolóxica, a nova campaña arrincará o 1 de xullo mantendo as regras fundamentais para protexer o recurso. O peso mínimo de captura continuará fixado en 1 quilo por peza (xa sexa enteiro ou eviscerado a bordo).
En canto aos topes máximos de captura, o plan divide a campaña en dous períodos para evitar a saturación dos mercados. Desde o 1 de xullo ata o 31 de agosto, a cota será de 35 kg por barco e día, aos que se engadirán 35 kg adicionais por cada tripulante enrolado e a bordo, establecendo un límite máximo de 240 kg diarios. No que reste de campaña (a partir do 1 de setembro), a cota subirá a 55 kg por embarcación e día, con 55 kg máis por tripulante, quedando o tope máximo en 380 kg diarios.
Respecto aos horarios de traballo, a actividade extractiva iniciarase ás 06.00 horas e finalizará ás 16.00 horas. Non obstante, permitirase que as embarcacións saian do porto a partir das 05.00 horas da madrugada.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
