Burela, 25 de abril, 2026. O encontro comezou cun Leganés moi incisivo. No minuto 4, Juanma probou fortuna cun disparo que Torero desviou, e un minuto despois o porteiro volveu aparecer para deter un tiro de Miguel. Alán tamén o intentou no 5, pero marchou fóra, e no 6 Torero salvou outro trallazo de Juanma.
O primeiro gol chegou no minuto 6: Guille armou un disparo desde fóra da área que entrou pegado ao pau esquerdo, poñendo o 1-0. No 8, Torero volveu ser clave nun man a man con Charly, e no 10 Nico Serrano evitou o empate tras un tiro de Torero.
O Burela reaccionou e logrou o 1-1 cun gol de Ángel Bingyoba, que definiu na área tras un pase perfecto de Raid desde campo propio. A partir de aí, os mariñáns creceron: no minuto 16 Nico Serrano detivo un tiro de Mauro e outro de Nico, e pouco despois Torero realizou unha dobre parada. O Burela tivo varias faltas perigosas antes do descanso, pero a defensa local e o porteiro evitaron o segundo tanto. A 14 segundos do final, Juanma Marrube pediu tempo morto buscando adiantarse, pero o marcador non se moveu.
Segunda parte
O Leganés comezou de novo golpeando, cun tiro de Juanma que acabou en córner. No 25, Torero realizou outro paradón ante Miguel e, pouco despois, ante Álex Fuentes. Izan probou no 27 e no 28, pero Nico Serrano seguía inspirado.
No minuto 28 chegou o 2-1: penalti por man de Jason que Merino transformou. O Burela respondeu cunha boa xogada que finalizou Raid, pero o porteiro local detivo o tiro. No 29, Cendán cabeceou fóra.
O empate chegou no minuto 30 cun golazo de Charly, que recibiu de costas tras unha gran acción de Pitero e fusilou a portería. No 31, Nico lanzou unha falta directa que desviou a defensa, e o Leganés acumulou a quinta falta a 8 minutos do final.
No minuto 33, o Burela dispuxo dun dobre penalti pola sexta falta local, pero Izan atopouse de novo cun enorme Nico Serrano. Álvaro Breña pediu tempo morto para reorganizar aos seus.
A falta de 2 minutos, Bingyoba asinou o seu dobrete: recibiu outro pase de Raid e, só ante o porteiro, picou o balón para poñer o 2-3. No 39, Torero sacou unha man milagrosa a tiro de Juanma. No último minuto, o Leganés apostou polo xogo de cinco, pero non conseguiu empatar.
O Burela levou así unha vitoria traballada e chea de emoción.
Ficha Técnica CD Leganés FS 2-3 Reyco Burela FS
CD Leganés FS (2): Nico Serrano; Juanma, Álex Fuentes, Miguel, Mario García –quinteto inicial-, Guille, Cendán, Merino, Cabañas, Charly, David García, Pablo Moreno.
Reyco Burela FS (3): Torero; Pitero (C), Charly, Raid, Alberto , -quinteto inicial-, Alán, Jason, Mauro, Izan, Bingyoba, Nico.
Goles: 1-0, min. 6: Juanma. 1-1, min.12: Bingyoba. 2-1, min. 28: Merino (Penalti). 2-2, min. 30: Charly. 2-3, min. 38: Bingyoba.
Árbitros: Adrián Moñino // José Javier Navarro // Ignacio del Olmo // Alba María Villegas. Por parte do Leganés viron tarxeta amarela Miguel (23′), Merino (31’) e Mario García (33’). Por parte do Burela, Torero (26′), Bingyoba (27’), Izan (39’) e Alán (39’).
Incidencias: Partido correspondente á xornada 27 de Segunda División Masculina disputado no pavillón La Fortuna de Leganés.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
