Burela, 25 de abril, 2026. O Burela FS afrontou un partido moi complicado en Ceuta, recentemente descendido e ademais mermado por importantes baixas. Irene, Laura Barranco e Lola Muñoz non puideron viaxar: as dúas primeiras quedaron en Burela por precaución tras as convocatorias coa Selección Española e a UCAM, e Lola sufriu unha rotura de fibras de grao 2 no seu primeiro adestramento coa Selección, lesión que a deixará fóra o resto da tempada.
O encontro estivo claramente dominado polo conxunto local, que suma tres puntos e se afasta dos postos de descenso.
Primeira parte: dominio local e eficacia
Os primeiros minutos tiveron poucas ocasións, pero no 5 chegou o 1–0, obra de Su Reis tras rematar un disparo de Ale. No 8, Ana Eliza evitou o segundo cunha boa intervención ante Kseniia, pero o 2–0 chegou no minuto 10 cun remate de Maura tras pase cruzado de Morgana.
O Burela tivo a súa mellor ocasión no 13 cun remate de Lara ao pase de Sandra, pero o balón marchou rozando o pau. No 15 chegou o 2–1, un gol en propia porta de Tami nun saque de banda de Cris Blanco.
As locais seguiron presionando e, tras a quinta falta do Burela, Morgana anotou o 3–1 de penalti. No último minuto da primeira parte, Ana Eliza evitou o cuarto tanto local cunha boa parada a tiro de Julia.
Segunda parte: o Ceuta sentencia
No primeiro minuto da reanudación, Tami evitou o gol de Lara, pero no 22 Mailén fixo o 4–1 empurrando un disparo previo de Giy Costa. No 26 chegou o 5–1, de novo de Su Reis, e un minuto despois Maura fixo o 6–1 tras combinar con Claudia.
O festival goleador continuou no 29 co 7–1, anotado por Claudia tras un primeiro disparo ao pau. No 30, Silvia Rubal recortou distancias cun disparo afastado na primeira xogada de cinco para o Burela (7–2), pero Ale fixo o 8–2 definitivo segundos despois tras recibir un pase de Mailén Romero.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
