Lugo, 28 de abril, 2026. O Pleno da Deputación de Lugo aprobou este martes unha moción de urxencia presentada conxuntamente polo PSdeG e o BNG para condenar o transfuguismo e denunciar o que cualifican como unha manobra da portavoz popular Elena Candia para “alterar a vontade das urnas” no Concello de Lugo. A iniciativa saíu adiante cos votos do goberno provincial e o rexeitamento do PP.
A voceira socialista, Pilar García Porto, afirmou que “non hai proxecto político detrás de quen sobe aproveitando a desgraza allea” e advertiu de que “non hai estabilidade institucional posible cando o acceso ao goberno se fía ao mercadeo de vontades”. Sinalou que o discurso de “parálise” co que Candia xustifica a moción de censura “non se corresponde coa realidade”, lembrando que o Concello sufriu tres falecementos no actual mandato —a alcaldesa Paula Alvarellos e os concelleiros Pablo Permuy e Olga Racamonde— e que, malia iso, “o bipartito encabezado por Miguel Fernández mantivo a xestión e non paralizou ningún proxecto”.
García Porto denunciou que a operación impulsada por Candia resulta “especialmente reprobable” porque, mentres se expresaban condolencias públicas, “calculábase friamente como tirar partido daquelas circunstancias para forzar un cambio de goberno a un ano das eleccións municipais”. Criticou tamén á edil María Reigosa, á que acusou de priorizar “aspiracións persoais” e de entrar “na historia política da cidade pola porta do transfuguismo”.
A moción lembra que máis de 3.000 persoas se concentraron o 24 de abril na Praza Maior convocadas pola plataforma Transfuguismo non, democracia si, nunha das maiores mobilizacións políticas recentes en Lugo. O texto aprobado condena o uso de tránsfugas para alterar maiorías, reproba ao PP de Lugo e ás persoas implicadas, defende o goberno municipal actual e reclama medidas legais para impedir beneficios derivados do transfuguismo.
Pola súa banda, o vicepresidente provincial do BNG, Efrén Castro, acusou a Elena Candia e ao PP de “sobrepasar todos os límites da moralidade e da decencia”. Preguntou “que boa persoa sería capaz de aproveitar unha desgraza como a do grupo municipal socialista” e advertiu de que “a sociedade de Lugo non acepta a inmoralidade nin pasar por enriba da vontade popular”. O BNG apoiou a moción que esixe a retirada inmediata da moción de censura no Concello.
Baixada do prezo do leite: crítica á Xunta
O pleno aprobou tamén unha proposta do BNG que insta á Xunta de Galicia a actuar fronte ás baixadas “abusivas e unilaterais” do prezo do leite por parte da industria, que segundo o deputado Daniel García chegan ata os 8 céntimos por litro. Criticou a “inoperancia” do goberno galego e comparou a situación con Asturias e Cantabria, onde o impacto foi menor. Sinalou que en Galicia “os prezos varían máis e adoitan ser máis baixos”, o que atribuíu á falta de capacidade de negociación dos gandeiros e á “complicidade” do executivo autonómico.
Críticas á proposta do PP sobre baixas laborais
A portavoz nacionalista Iria Castro reiterou o rexeitamento do BNG á proposta anunciada polo presidente da Xunta, Alfonso Rueda, para endurecer o acceso ás baixas laborais. Considera que a iniciativa “criminaliza ás traballadoras e traballadores”, “fai da enfermidade un delito” e “engorda o negocio das mutuas”. O BNG reclamou reforzar o persoal da sanidade pública, especialmente en Atención Primaria, e incrementar as políticas de prevención de riscos laborais.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
