O senador popular José Manuel Balseiro critica a “inacción” do Executivo central, fronte a un sector que “non admite máis atrasos nin máis escusas”
Madrid, 28 de abril de 2026. O Partido Popular logrou aprobar hoxe na Comisión de Pesca do Senado unha iniciativa clave en defensa do sector marisqueiro, que reclama ao Goberno de España a exención temporal das cotizacións á Seguridade Social para os mariscadores e mariscadoras a pé en situación de inactividade forzosa. A iniciativa foi defendida polo senador lucense José Manuel Balseiro, quen denunciou a “inxustiza evidente” que sofren milleiros de traballadores do mar, obrigados a seguir pagando as súas cotas mesmo cando non poden traballar por causas alleas á súa vontade e reclamou ao Goberno de Sánchez que actúe “de inmediato”.
Durante a súa intervención, Balseiro criticou a “inacción” do Goberno de Pedro Sánchez, lembrando que o Goberno galego solicitou formalmente o pasado 13 de marzo a exoneración destas cotizacións sen obter resposta ningunha ata o momento. “Non admite máis atrasos, nin máis escusas, nin máis titulares baleiros. Falamos de xustiza e de dignidade”, subliñou.
“O EXECUTIVO CENTRAL NON ACHEGOU NIN UN SÓ EURO”
O senador popular puxo o foco na gravidade da situación vivida en 2026, con oito borrascas consecutivas que provocaron o peche dos bancos marisqueiros, a suspensión da actividade e a perda total de ingresos para centos de profesionais, na súa maioría mulleres. Fronte a isto, denunciou que o Executivo central “non achegou nin un só euro”, mentres segue esixindo o pago de cotas a quen non pode traballar.
A iniciativa aprobada -cos votos a favor do PP e do PNV, coa abstención do PSOE e a falta de asistencia do BNG- reclama a exención das cotizacións durante os períodos de inactividade derivados de causas de forza maior, que estes períodos computen como cotizados e que se estude a retroactividade da medida, incluíndo a devolución das cotas xa aboadas.
Dende o PP insístese en que se trata dunha medida “xusta, viable e de sentido común”, que xa conta con precedentes noutros sectores, e acúsase ao Goberno de “chegar tarde ou, directamente, non chegar”.
“Hoxe o Senado falou claro. Agora tócalle ao Goberno deixar de estudar e comezar a resolver”, concluíu Balseiro, quen advertiu de que “non se pode seguir castigando a quen sostén o litoral e as economías locais”.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
