Non creo que haxa ninguén que non saiba que o próximo 20 de decembro hai eleccións xerais nas Españas todas. Parece ser, que tras décadas de bipartidismo, estamos ante unha situación histórica e hai catro candidatos que se disputan a Presidencia do Goberno: Mariano Rajoy, do PP e actual presidente do Goberno; Pedro Sánchez, secretario xeral do PSOE; Pablo Igrexas, secretario xeral de Podemos; e Albert Rivera, presidente de Cidadáns. Dada a transcendencia, o grupo Atresmedia organizou un debate televisado entre os catro candidatos o próximo 7 de decembro, que moderarán os xornalistas Ana Pastor e Vicente Vallés.
E aquí salta a sorpresa. Mariano Rajoy declinou a invitación e no seu lugar, acudirá a actual vicepresiente, Soraya Sáenz de Santamaría. Non todo son malas noticias, podía enviar ao seu fillo. Rajoy si quería un cara a cara co candidato socialista Pedro Sánchez, pero non un debate a catro. Alegan desde o PP problemas de axenda do presidente e que ata recibiu máis de trinta propostas para participar en diferentes debates. Parece que estes problemas de axenda non impediron ao señor Rajoy acudir ao programa de Televisión Española presentado por Bertín Osborne Na túa casa ou na miña, moito máis insustancial. Ou o máis rechamante. acudiu a comentar un partido de fútbol do Real Madrid en CÓPEA. Onde estea o fútbol que se quite o demais.
Nada que objetar a que realice estas actividades, está no seu dereito. Quere participar noutros formatos televisivos e é un gran afeccionado ao balompé. Pero é incomprensible como despreza a todos os veciños deste Estado negándose a ir a un debate no que pode explicar as súas ideas e o seu programa. Sinceramente non me sorprende. Aínda recordo a súa roda de prensa a través dunha pantalla. A única palabra “decente” que se me ocorre para definir a actitude do señor Rajoy é medo. Está aterrado. Sabe que ten pouco que facer ante os demais candidatos. Ignoro quen gañará o debate, o certo é que non son moi amigo da competición, o que si seguro é quen o perdeu de antemán: o señor Rajoy, e por extensión o Partido Popular. Desprezaron aos seus votantes e vano a pagar nas urnas. É evidente que algún indeciso votará ao candidato que explique o seu programa e que se enfrontou aos seus contendentes. Señor Rajoy, si esta é a súa forma de facer política, augúrolle unha saída inminente do Palacio da Moncloa. Eso si pode que, vostede xa o sepa, por eso nas banderolas aparece a señora vicepresidenta dando saltitos, que e máis do gusto da súa marca blanca. Falo de Ciudadans, claro está.
Otero Regal.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
