Recollida de xoguetes solidaria en Cervo e San Cibrao

16 de decembro de 2015.- Como cada ano, en Cervo e San Cibrao, a Asociación Cultural Arroutados realiza a súa campaña de recolleita de xoguetes que irá destinada a Cruz Vermella de Burela. Unha vez máis, tanto o concello como diversas asociacións do municipio cervense, como son Mulleres de San Ciprián, A Sombriza, Pasiño a Pasiño e Veciños Cruz da Venta colaboran nesta actividade que tanto éxito tivo estes últimos anos, e é que, en palabras do seu presidente, Marcos González Villares: “Esta iniciativa leva aos fogares dos máis necesitados a ilusión que tan necesaria é na época navideña”. Por iso agradécese a todos aqueles que queiran achegar os seus xoguetes xa usados e que non utilicen ao concello de Cervo ata este Venres ou se non o Luns 21 á Casa do Mar de San Cibrao.