Lugo, 22 de xaneiro de 2016. O Vicepresidente da Deputación, o nacionalista Antonio Veiga, reuniuse este venres no Museo do Mar, en San Cibrao, cos representantes das entidades deportivas de piragüismo da provincia así coma da Federación Galega de Piragüismo para definir as liñas mestras de colaboración de cara a anualidade 2016.
A Área de Deporte da Deputación colaborará un ano máis na organización a VI Copa Provincial de Piragüismo, proba xá consolidada no calendario e que permitiu na súa última edición de 2015 que unha media de mais de 200 padexeiros con categorías que van desde benxamíns até veteráns puideran competir de forma regular durante a tempada na provincia de Lugo.
A VI Copa Deputación de Piragüismo dará comezo en abril e estenderase até o verán, en total celebraranse 6 probas, cada unha delas organizadas por un dos clubs participantes, a falta de calendar as datas definitivas de cada proba, os membros participantes serán os seguintes: Club Altruán de Ribadeo, o Club Kaiak de Foz, o Club de Piragüismo San Ciprián de Cervo, o Club de Piragüismo Viveiro e os clubs Fluvial de Lugo e Cidade de Lugo.
Antonio Veiga resaltou que “a Deputación de Lugo foi referente para que outras institucións seguiran o modelo de organización da Copa Deputación de Lugo, até o punto que xá se realizan tamén noutras provincias modelos similares”, o deputado delegado resaltou que “desde que comenzamos a colaborar na organización de este campionato, o número de padexeiros federados na provincia non parou de medrar, logrando incrementos en moitas categorías superiores a un 30% do número de licenzas, e non só medrou cualitativamente, pois hoxe temos que celebrar que tres mozos da Provincia de Lugo, como son Alejandro Cuadros, sub 23 do Club Fluvial de Lugo, Julio González xuvenil do Cidade de Lugo e o mariñán Xoel García,cadete do Club Kaiak de Foz están a adestrar diariamente no Centro Galego de Tecnificación Deportiva de Pontevedra”.
No 2016, a Deputación de Lugo apoiará que a provincia de Lugo celebre un ano mais a segunda e terceira travesía mais antiga do Estado tralo Descenso do Sella, trátase da LX Edición do Descenso do Miño que organizará o Club Fluvial de Lugo e a LIV Travesía de Foz que organizará o Club de Piragüismo Kaiak de Foz, Veiga explicou que “estas probas non só contribuen a conseguir que a cidadanía participe de forma popular en probas deportivas, senón que dado o número de deportistas inscritos, as datas e a súa tradición convértense tamén en polos de atracción turística para o concello que as alberga”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
