Foz, 5 de xaneiro de 2015.- As previsións de choiva para a tarde deste martes obrigan ao Concello de Foz a introducir cambios nos actos de celebración da cabalgata dos Reis Magos: se as condicións meteorolóxicas o permiten farase un percorrido máis curto do previsto, que sairía das inmediacións da praia da Rapadoira e remataría no colexio público Número 1. Do contrario, as súas Maxestades de Oriente serán recibidas polo alcalde, Javier Jorge Castiñeira, ás 19:30 horas no colexio Número 1, onde farán o seu discurso e recibirán aos nenos e nenas de Foz. Tamén se trasladará alí o belén vivinte e farase a tradicional chocolatada.
O rexedor municipal anunciou este martes ao mediodía que “en principio ás 19 horas sairán do punto de partida as carrozas, dende as inmediacións da praia da Rapadoira, no Paseo de Colón. Ata alí achegaranse os Reis Magos e nese momento avaliaremos se poden saír as carrozas ou non. O máis probable é que non se poda saír e que os Reis Magos se despracen directamente nos coches ao colexio nº1, non á Casa do Concello, que é onde se facía sempre todo en anos anteriores. No colexio Número 1 faranse todos os actos. Os Reis Magos serán recibidos por min ás 19:30 horas, falaran a todos os presentes e recibirán a todos os nenos e nenas, rapaces e pais, que queiran facer unha foto con eles ou realizarlles as súas peticións de xeito persoal. Imos intentar que o belén vivinte, organizado polo colexio do Pilar, que estaba no Concello se desprace ao colexio Número 1, onde tamén se fará a chocolatada”.
O alcalde asegura que con esta decisión o Concello “intenta que todos os actos se fagan ao cuberto e que non esteamos a expensas das condicións meteorolóxicas, porque a previsión é moi mala. En todo caso se para as 19 horas intuímos tempo descuberto e que se pode facer unha cabalgata curta, así se faría. Montaríamos ao Reis Magos ás 19 horas nas carrozas e faríamos un desprazamento curto dende a Rapadoira ata o colexio Número 1, pasando por Trapero Pardo e as Casas Baratas. Sería un desprazamento curto e con despois seguiríamos o programa xa mencionado. Polo tanto, todos os actos previstos no Concello desprázanse ao Colexio Número 1 e hai unha probabilidade moi baixa de que saia a cabalgata. En todo caso, se sae, terá un percorrido curto dende a Rapadoira ata o colexio. Pedimos desculpas aos veciños polas molestias, pero pretendemos que todos os que queiran ver os Reis Magos o poidan facer perfectamente e nas mellores condicións e que ninguén sufra as condicións meteorolóxicas malas previstas para a tarde de hoxe”.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
