Néstor Rego exixe ao Ministerio aclarar os cambios e modificacións realizadas nas conexións e demanda recuperar e ampliar os servizos
Madrid, 27 de xuño de 2025. O deputado do BNG no Congreso, Néstor Rego, vén de rexistrar iniciativas en relación a supresión de conexións e redución de servizos ferroviarios na liña de ancho métrico -antiga FEVE- que conecta Ferrol con Ribadeo e Asturias, pasando pola Mariña lucense. A formación nacionalista exixe, co obxectivo de mellorar a cohesión e a vertebración da Galiza, mellorar os servizos ferroviarios, a modernización da liña e o desenvolvemento dun mapa ferroviario que permita conectar as principais vilas neste traxecto.
A liña de ancho métrico, antiga FEVE entre Ferrol e Ribadeo, arrastra anos de falta de investimento, derivando no desmantelamento paulatino dos servizos que a liña presta. A pesar da súa potencialidade, tanto no plano da cohesión e vertebración da Galiza como para a conexión con Asturias e o norte do Estado, os sucesivos executivos españois apenas destinaron recursos para o mantemento da liña.
“Esta infraestrutura está obsoleta e precisa dunha modernización, dun parque móbil moderno e de servizos ferroviarios adaptados ás necesidades das persoas usuarias. Precisa, en definitiva, dun plan integral que permita convertela nunha conexión útil e eficaz para a mobilidade” defende o deputado do BNG no Congreso.
Imposibilidade de mercar billetes para conexións intermedias
Agora, as persoas usuarias que intentan mercar billetes entre as distintas vilas da liña de ancho métrico na páxina de Renfe encontran unha mensaxe de que os servizos non existen ou, cando menos, non é posíbel adquirilos a través da web. A única opción dispoñíbel, explica Rego, é o traxecto desde Ortigueira até Ferrol, denominado liña C1 de cercanías. O servizo cambia a súa denominación nas conexións entre Ferrol e a Mariña, e están dispoñíbeis só tres frecuencias diarias entre Ferrol e Ribadeo. Porén, compróbase que resulta imposíbel adquirir billete até Xixón con saída en ningunha das vilas galegas. Non existe, por tanto, a posibilidade de mercar billetes para unha viaxe entre Ferrol e Xixón, entre Ortigueira e Xixón ou entre Ribadeo e Xixón.
“Esta situación está a causar sorpresa e un grande malestar entre as persoas usuarias que utilizaban este servizo de forma habitual e que agora non poden mercar os seus billetes. O Ministerio debe aclarar e informar dos cambios realizados e, de confirmarse que se realizou unha nova redución nos servizos e conexións ferroviarias da liña do antigo FEVE debe rectificar” subliña Rego.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
A iniciativa forma parte do Plan de Sostibilidade Turística en Destino Xacobeo 2021, financiado con fondos europeos Next Generation. No acto proxectouse o tráiler e un capítulo completo. Tras a estrea, os contidos difundiranse nas redes sociais e no YouTube municipal, e no verán organizarase un novo evento para ver a serie íntegra.
