Burela, 13 de xaneiro de 2016. O Concello investirá 30.000 euros na reparación do Barco Museo Reina del Carmen, que se atopa xa no varadero. Ramiro Fernández, concelleiro de Turismo, agarda poder contar coa axuda doutras administracións para afrontar esta importante inversión. E lembra que estaba nun estado de total abandono, xa que “nos últimos anos só lle fixeron o mantemento básico”.
O edil socialista explicou que “o Barco Museo Reina del Carmen foi subido ao varadero para facer unha serie de obras moi necesarias, que van garantir que poida continuar nunhas condicións de seguridade óptimas para a súa exposición ao público. Os traballos van dende a reparación da obra viva do barco, o saneamento de tracas, reclavado de obra viva, renovación da limera ou o repintado e saneamento do mesmo, obras moi necesarias si queremos manter en bo estado o barco e sen ningún risco de vías de auga ou outros problemas”.
Ramiro Fernández contou que “nunha primeira inspección detectáronse problemas graves que puideron ser un importante risco para o barco que van quedar corrixidos de inmediato e que garantirán a curto e medio prazo a flotabilidade normal do barco”.
O concelleiro de Turismo manifestou que “dende a Concellería de Turismo somo conscientes de que o Barco Museo é e debe de seguir sendo un referente turístico na nosa localidade e na Mariña pola súa peculiaridade (é o único museo destas características de España), xa que non existe outro similar no noso país. E é por isto que temos a obriga de mantelo nas mellores condicións posibles, tendo en conta que se trata dun barco de 1968 (preto de 50 anos), e de madeira con todo o que isto conleva”.
Fernández subliñou que “a inversión que imos facer no Barco Museo vai ser moi importante, xa que roldará os 30.000 euros, pero entendemos que esta inversión está máis que xustificada, sobre todo tendo en conta o abandono que sufriu nos últimos anos onde só se lle facía o mantemento básico. Isto fixo que o deterioro sexa tal agora mesmo, que precise desta potente inversión para poder seguir gozando del. Esperamos poder contar có apoio doutras administracións para o financiamento desta reparación, e nesa liña estamos a traballar”.
O concelleiro de Turismo engadiu que “a aposta deste equipo de goberno polo turismo vai ser unha constante nesta lexislatura, xa que entendemos que pode ser unha fonte de riqueza e de creación de postos de traballo que tan necesarios son, por iso sabemos que para recoller o froito deste traballo teremos que facer agora unha serie de gastos que non se fixeron nestes últimos anos, como por exemplo, renovar as guías turísticas totalmente desfasadas e traballar no turismo dunha maneira seria e responsable”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
