A Coruña, 24 de febreiro de 2016.- O delegado do Goberno en Galicia, Santiago Villanueva, e a conselleira de Infraestruturas e Vivenda, Ethel Vázquez, presentaron na mañá deste mércores unha campaña especial de prevención de atropelos que se pon en marcha no marco do principio de colaboración entre a Dirección Xeral de Tráfico (DXT) e a Xunta de Galicia. No acto tamén participaron a coordinadora da DXT en Galicia, Vitoria Gómez Dobarro; e xefe do sector de Tráfico da Garda Civil na comunidade, o tenente coronel Francisco Javier Molano.
O propósito da campaña é concienciar aos peóns sobre a importancia de facerse ver na estrada polos condutores. Para iso, a Xunta entregará ao longo do presente ano 2.000 chalecos reflectintes ás Xefaturas Provinciais de Tráfico.
Na primeira fase da campaña, que durará ata finais de marzo coincidindo con Semana Santa, os axentes da agrupación de Tráfico da Garda Civil repartirán 400 entre aqueles camiñantes que se despracen sen este tipo de pezas por vías interurbanas das catro provincias.
Os mesmos axentes recordarán, antes de entregar as pezas, a obrigatoriedade de ir con elementos reflectintes cando se transite por vías interurbanas fóra de poboación durante a noite ou en condicións de escasa visibilidade, tales como néboa ou choiva intensa.
No presente ano en Galicia xa se rexistraron cinco vítimas mortais por atropelo e durante a presentación da campaña o delegado do Goberno afirmou que o obxectivo “é que non haxa que lamentar nin unha vítima máis, e para conseguilo é necesario saír coas pezas adecuadas e apelar á responsabilidade de todos”.
Destinatarios da campaña
Durante a presentación destacouse que a Estratexia de Seguridade Vial 2011-2020 da DGT e o Plan de Seguridade Vial 2016-2020 da Xunta, identifica como obxectivo prioritario a protección do usuario máis vulnerable. Así o perfil do falecido por atropelo en Galicia responde ao dunha persoa maior de 65 anos que viste prendas escuras e que se move polas vías sen portar elemento visible algún. Por iso, os maiores serán os destinarios preferentes dos chalecos que se repartirán durante 2016.
E é que a partir de certas idades prodúcense limitacións psicofísicas: visión máis limitada nunha contorna de pouca luminosidade, movementos máis lentos á hora de reaccionar e dificultades para calcular correctamente a distancia á que se atopa un vehículo e a velocidade á que se aproxima. Durante a presentación recordouse que a contorna familiar do maior é moi importante para transmitir ese perigo e a obriga de usar o chaleco.
Ademais do envellecemento, a dispersión da poboación galega e un complexo entramado viario, propiciaron que este tipo de accidente sexa característico na comunidade. É por iso que se pretenden modificar hábitos de comportamento para crear condutas seguras.
Xornadas de seguridade vial
A esta campaña engadiranse novas xornadas de charlas a maiores nos concellos, impartidas desde as xefaturas provinciais de tráfico, onde tamén se repartirán chalecos, recordaranse as normas e daranse consellos de seguridade vial.
En canto aos condutores, cabo recordarlles a obriga de levar as luces do vehículo acendidas en caso de meteoroloxía adversa, xa que tamén deben facerse visibles aos demais usuarios da vía.
Ademais os vehículos deben moderar a velocidade en zonas de movementos de peóns (travesías, carreiros, zonas con casas, etc.).
Os estudos de accidentalidadw indican que, en caso de atropelo: a 80 km/h falece o 95%; a 50 km/h, o 50%; e a 30 km/h, o 5%.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
