O Goberno Provincial esixe a Feijóo “que tome cartas no asunto ante as calumnias de Candia sobre a UNED, que tumbou a Fiscalía”

Lugo, 24 de febreiro de 2016.- O voceiro provincial socialista, Álvaro Santos Ramos, esixiu este mércores a Feijóo que “tome cartas no asunto ante as calumnias de Elena Candia sobre as obras da UNED que ata tumbou a Fiscalía”. Santos Ramos fixo estas declaracións en nome do Goberno Provincial da Deputación de Lugo tras coñecer o decreto no que a Fiscalía “tumba unha por unha todas as mentiras de Candia”, archivando deste xeito o caso.

“A propia Elena Candia debe dar moitas explicacións e pedir desculpas, pois a súas mentiras, das que era perfectamente coñecedora, non só supoñía un total desprestixio para a Deputación, senón que salpicaba, a maiores dos representantes políticos, ao Padroada da UNED, á universidade, aos técnicos de ambas as dúas institucións, aos traballadores que levaron a cabo as obras e, en xeral, a todos os lucenses, pois as súas calumnias podían supor a paralización destas actuacións, da construción na capital lucense da sede da UNED de referencia no noroeste de España, en detrimento dos veciños de toda a provincia. Non ten escrúpulo algún”, remarcou o voceiro.

“É non é a primeira, nin a segunda ou a terceira, que Candia xudicializa a vida política e administrativa, exclusivamente, en busca do seu beneficio persoal ou partidista, sen importarlle, en ningún caso, as consecuencias que isto pode conlevar para a provincia en xeral. Fíxoo recurrindo os orzamentos da Deputación, aínda que isto supuxese a súa paralización; denunciando obras como as do Marco de Álvare ás Rodrigas ou plans de emprego como o de Concellos da Rede Natura de menos de 5.000 habitantes. E temos o caso Gazeley, no que se posiciou en defensa dunha empresa de Dubai que quería recibir máis de 4 millóns de euros de todos os lucenses. En todos os casos, a xustiza dixo non a Candia. Feijóo, como máximo representante do Partido Popular, debería decirlle a Candia que con mentiras e sen escrúpulos e lealtade algunha cos veciños desta provincia, non se pode representar a unha formación política en ningunha institución”, subliñou.

Envío de documentación parcial e incompleta
Santos Ramos lembrou que “sendo Presidenta da Deputación e tendo toda a documentación sobre as obras da UNED a súa disposición, Candia decidiu enviar á Fiscalia información parcial e incompleta, así como escritos sen validez, que nin tan sequera estaban asinados”. Así o recolle o decreto da Fiscalía: “Por la denunciante se aportaba, en justificación de los hechos relatados, documentación extraída de los expedientes mencionados y dos escritos no firmados en los que se realizan unos análiseis de cada uno de los dos expendientes, encabezados por los títulos posible detectados y documentación que falta”.

“As 10 mentiras de Candia”
“A Fiscalía tumba unha por unha todas as falsas irregularidades que denunciou Candia, pois, realmente, como o demostra a xustiza, eran polo menos 10 mentiras de Elena Candia, desesperada porque aos poucos días ía a perder o sillón da Presidencia da Deputación de Lugo. Buscou e rebuscou, pero non atopou nada durante case 4 meses para desprestixir a este Goberno Provincial, tendo que recurrir á mentira”, salientou.

Tal e como se pode comprobar a partires da páxina 3 e canto menos ata a 7 do decreto que se adxunta, a Fiscalía desmente a Candia en cada unha das súas acusacións.