Burela, 11 de febreiro de 2016.- O alcalde, Alfredo Llano, asegura que a pesares dalgúns feitos puntuais como a pelexa rexistrada hai unhas semanas, Burela segue a ser un lugar tranquilo para vivir. O Concello acolleu na mañá deste xoves a reunión ordinaria da xunta local de seguridade, que presidiron o subdelegado do Goberno en Lugo, Ramón Carballo, e o propio rexedor. Llano considera necesario incrementar as plantillas da Garda Civil tanto en Burela como no resto da comarca, dado os roubos que se producen, aínda que están por debaixo da media galega e española.
Sobre a pelexa que tivo lugar hai unhas semanas en Burela e na que participaron un grupo de xoves chegados desde varios puntos da comarca ou de zonas limítrofes, o alcalde dixo que “nalgúns casos son rapaces cos que é fácil atopar a confrontación. Estas pelexas de Burela ou de Foz puideron ter ocorrido en Chantada, en Abadín, en Ribadeo ou en calquera lado. Aquí á nosa vila chegaron procedentes da Pastoriza, de Abadín, de Ribadeo ou de Mondoñedo, despois de citarse a través das novas tecnoloxías”.
Alfredo Llano considera importante “chegar a saber por qué se citan deste xeito, cales son as razóns, as causas reais destes encontros. Habería que coñecer a situación na que se atopan as familias destes rapaces, si están no paro, si sofren malos tratos. Hai que coñecer as causas reais e levar adiante todas as medidas necesarias para que non volvan producirse feitos coma este. Nisto deben implicarse as forzas e corpos de seguridade, pero tamén os Concellos, os servizos sociais, etc”. As forzas de seguridade traballan para identificar aos participantes, contactando coas súas familias, cos centros de ensino e facendo seguimento das redes sociais.
O alcalde burelés fixo que “os roubos en vivendas e en establecementos comerciais incrementáronse un pouco en Burela. Son feitos que se producen en moitos municipios da comarca, pero non queremos que vaian a máis. Hai que loitar para evitalos”.
Densidade de tráfico
Na xunta local de seguridade tamén se falou da densidade do tráfico e de siniestralidade. Llano relatou que “os accidentes foron mínimos o ano pasado, aínda que a densidade nos preocupa. Hai que mellorar as infraestruturas, que dunha vez por todas se traballa para a posta en marcha da autovía Barreiros-San Cibrao e da vía de alta capacidade entre San Cibrao e Ferrol, e que se melloren as estradas do Estado, como por exemplo a N-642”. O alcalde anunciou que solicitará un medidor da densidade do tráfico “para apoiar todas as demandas que estamos a realizar nesta materia”.
Sobre o plan director para a convivencia e a mellora da seguridade escolar nos centros de ensino o rexedor dixo que “desde o Concello tamén organizaremos algunha actividade neste sentido para evitar o acoso escolar, queremos evitar que se produzan casos como os que vemos na televisión. Hai que previr e evitar o consumo de drogas e de alcohol nos xoves e informalos sobre os riscos que poden chegar a supoñer tanto internet como as novas tecnoloxías”.
Alfredo Llano subliñou que “Burela é unha vila perfecta para vivir, xa que non hai grandes conflitos que nos deban preocupar”. E entre as demandas realizadas á Subdelegación do Goberno figuran “a cobertura da totalidade das prazas da Garda Civil ao 100%. Nesta comarca están ao 90%, pero queremos que se ocupen todas. É necesario que se completen esas plantillas e que as forzas e corpos de seguridade do Estado sigan a traballar perfectamente coordinadas”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
