O Valadouro, 17 de febreiro de 2016. Eduardo Chao, primeiro Tte. de Alcalde e concelleiro de Obras no concello do Valadouro visitou as estradas de competencia provincial LU-P-0101 e LU-P-6306, a primeira delas une a localidade de Ferreira e Abadín e permanece cortada desde principios de mes por un derrube do terreo que non foi reparado. Débese ter en conta que a veciñanza da zona do Cadramón, que se ve obrigada a dar un rodeo de máis de 20 minutos para poder desprazarse á capitalidade municipal pola estrada tamén de competencia provincial LU-P-6306, nun estado lamentábel. O concelleiro nacionalista dirixiuse por carta ao Departamento de Vías e Obras urxindo solucións urxentes para estas dúas vías competencia da Deputación de Lugo.
Eduardo Chao visita á zona para comprobar in situ o estado das vias provinciais LU-P-0101 e LU-P-6306
Eduardo Chao, visitaba este martes a parroquia do Cadramón, logo de recibir queixas da veciñanza ao ver que a maquinaria da empresa encargada pola Deputación para o mantemento destas vías abandonaba a zona sen resolver os problemas na LU-P-0101 que está cortada e está a causar importantes problemas para a xente da zona para comunicarse coa capitalidade municipal onde están a maioría dos servizos, tamén co resto da comarca onde lembrou, se ven obrigada a desprazarse por motivos laborais e mesmo sanitarios para acudir ao Hospital da Costa. “Non pode ser que desde o 11 de xaneiro exista un problema así que por riba se agravou co corte da estrada o 10 de febreiro e de momento non se aclare cando vai quedar arranxado”, afirmou Chao.
Reclamación por carta ao departamento de Vías e Obras para reclamar solucións urxentes aos problemas de comunicación da xente do Cadramón
O Concelleiro de Obras despois de visitar a zona e estar coa veciñanza, reclamou por escrito ao departamento de Vías e Obras da Deputación, solucións urxentes non so para a LU-P-0101 que comunica Ferreira e Abadín, tamén para a LU-P-6306, usada como vía alternativa pola veciñanza do Cadramón para comunicarse con Ferreira e coa zona norte da comarca, que lles supón mais de 20 minutos de atraso por unha estrada que ademais está nun estado lamentábel fundamentalmente polas sacas de madeira.
O portavoz nacionalista reclamou solucións mediante a habilitación de partidas económicas ao ente provincial que permitan non so recuperar o firme da estrada LU-P-0101, senón tamén as melloras necesarias na vía LU-P-6306, actualmente, en moi mal estado.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
Sinopse: Cando chega a noite e nós durmimos, a Lúa asoma polas fiestras e goza dos nosos soños. Así descobre historias máxicas, tolas e divertidas. Os seus soños favoritos son os de Calcetín, un personaxe amante da lectura e cunha imaxinación desbordante. Viaxa entre estrelas, pilota un zapato que percorre os mares ou chega ao mundo do revés. Unha proposta chea de fantasía e creatividade para fomentar o gusto pola lectura entre os máis pequenos.
Na presentación participaron o delegado territorial da Xunta, Javier Arias; o Deputado de Cooperación e Asistencia aos Concellos, Xosé María Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
