O Balonmán Galipizza Viveiro presentaba este martes 16 de febreiro á súa última fichaxe: unha incorporación que esperan colabore de forma importante no tramo final da tempada na consecución da permanencia na Primeira Autonómica de balonmán.
Trátase de Marco Fernández Arosa (Lalín, 1990), un xogador de 25 anos que se forxou na prolífica canteira do Club Balonmán Lalín. Co conxunto dezano debutaba en Primeira Estatal cando aínda contaba 17 anos. Logo de varias tempadas no primeiro equipo lalinense, na tempada 2013/2014 daba o salto ao Balonmán Chapela, onde se estreou ás ordes do histórico técnico Fran Teixeira na División de Honor Prata (segunda categoría do balonmán español). Tras esta campaña, motivos laborais apartárono das pistas.
O xogador lalinense pode desenvolverse en calquera posto da primeira liña e ata no extremo esquerdo, posición que ocupou durante a súa estancia no cadro redondelano. No seu currículo persoal destaca a terceira praza obtida coa selección galega xuvenil no Campionato de España de 2007, disputado en Mérida.
O técnico viveirista, Javi Villares, bendí a chegada dun primeira liña, tendo en conta que as baixas debilitaron ao seu equipo nesa parcela. “Agora mesmo temos as baixas do central Ignacio e do lateral David, que non reaparecerán aínda ata dentro dunhas semanas e que se unen á ausencia, en principio definitiva, de Pastor. Estamos encantado de poder contar con outra peza máis para poder afrontar os próximos tres encontros, nos que sen dúbida nos xogaremos a permanencia na categoría”, sinalaba.
Así mesmo, indicaba que “é un xogador novo, pero con moita rodaxe en categorías superiores, polo que esperamos que poida suplir estes case dous anos de inactividade coa súa experiencia. Estamos convencidos de que é un mozo que nos pode aportar moitas cousas, tanto en ataque como en defensa”, concluía.
Fichaxe vinculada ao Grupo Galipizza
Desde a entidade viveirense queren agradecer a especial implicación do grupo Galipizza e do seu xerente, José Manuel Vázquez, Leman, á hora de conseguir que Marco puidese xogar en Viveiro. “Un domingo, logo de xogar no Grove, paramos a comer no Galipizza de Santiago e decatámonos de que estaba traballando alí. Alí Marco mostrounos as súas ansias de volver xogar e comezamos as conversacións para a súa chegada. Tamén temos que agradecer a súa implicación, xa que perderá días das súas vacacións para participar na maior cantidade de partidos posible”, afirmaba Enrique Villares, presidente do Balonmán Galipizza Viveiro.
Marco Fernández aproveitaba a viaxe a Viveiro para realizar a presentación, coñecer aos seus novos compañeiros e exercitarse xa tamén co primeiro equipo. O sábado xa poderá debutar na visita do Tui ao Municipal de Viveiro (19.00 horas).
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
