A choiva estragaba a oportunidade de xogar no céspede do parque e obrigaba a mudar para o pavillón de deportes de Meira a 7º xornada da LNB da conferencia Norleste disputada o domingo 31 de xaneiro.
Recor de participantes no que vai de tempada cuns 60 palanadores loitando deportivamente por acadar un dos tres primeiros postos que daban dereito a recoller os saborosos agasallos de “marisco de cortello”: o habitual Lacón, que da nome ao aberto e vai para o peto do campión da xornada, e logo a cachola, chourizos, androia e botelo para o resto dos afortunados da tarde.
Cun ambiente festeiro, o recinto foi enchéndose de palanadores que mentres se facía o sorteo, probaban e poñían a punto os trebellos e un irregular paraugas de billardas fungantes ían e viñan dun lado a outro do pavillón.
Comezou a xornada e tamén as sorpresas en forma de varados, o esbaradizo chan do pavillón resultou un bo aliado para os tiros directos que foron agromando como fungos. Pola contra, un so erro era dabondo para non acadar unha boa puntuación ou, aínda peor, para quedar sen puntos na carreira.
Ismael foi xa na primeira rolda da tarde quen abriu unha conta que foi medrando co paso das carreiras. En total foron 32 varados os acadados en Meira, con Tonecho en plan figura e 3 dianas na súa conta particular.
Rematou a xornada con Regueiro aínda máis líder. Foi o campión da xornada con 22 puntos e 2 varados. De seguir nesta liña, non será doado darlle caza. Óscar de Tropa Lixeira encargouse de entregarlle o merecido lacón do primeiro premio.
Destacada aportación de Xermán con 21 puntos, sen facer moito ruído, ven mantendo unha regularidade que o aúpa ao quinto posto na xeral e en Meira lle permite acadar o segundo posto e gañador da cachucha.
Tamén moi boa tarde a de Geni, que acadou o terceiro posto con 20 puntos e 2 varados. Domina con diferenza a clasificación en donas e a estas alturas parece que ninguén lle fai sombra para conseguir o campionato. Seu foi o premio dunha ristra de chourizos.
En equipos, aínda que non foi unha das súas mellores tardes, os Billardeiros Musicais impuxéronse, cos de O Cadaval moi perto e sempre agardando para tomar o relevo. Unha ristra de chourizos e un botelo foi o premio para os mariñáns.
O vindeiro encontro de Liga será o 6 de marzo en Mondoñedo. Mentres, teremos nova cita no Pazo de Feiras e Congresos de lugo o día 20 co gallo das festas da Candeloria e o 5 de marzo o abertiño de San Rosendo en San Miguel.
As clasificacións logo desta sexta xornada quedan así:
Individual: Regueiro 139 p., Pepe Outeiro 127 p., Manolo Pozo 126 p., Daniel 120 p., e Xermán 116 p.
Donas: Geni 99 p., Lola Eiras 52 p. e Paula 48 p.
Varados: Con 3 varados Tonecho, con 2 Chousa, Geni, Luis Saavedra,Markytos, Oscar, Pepe Outeiro, Regueiro e Santi.
Equipos: Billardeiros Musicais 525 p., O Cadaval 447 p., Troitas Bravas 381 p.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
