Ribadeo, 8 de marzo de 2016.- A Banda Municipal de Música de Ribadeo acaba de renovar a súa páxina web e ofrecerá o tradicional concerto de Semana Santa o día 20 deste mes, domingo, ás 20:30 horas no Teatro ribadense. Ademais a asociación Amadores da Música celebrará unha asemblea xeral extraordinaria o día 2 de abril para elixir nova xunta directiva.
Amadores da Música anunciou este martes que “despois dun tempo fóra de servizo para renovar e actualizar os contidos, a nosa Banda ten de novo un lugar no ciberespazo. Esta necesaria actualización pretende achegar a información básica sobre o noso colectivo e as súas andainas logo destes anos. A nosa pretensión foi conseguir un deseño áxil, sinxelo e efectivo coa información máis completa posible sobre os concertos, os músicos e músicas que tiveron presenza desde os seus inicios e todas aquelas noticias que teñan relación coa propia Banda e a música que se fai en Ribadeo. A poucos días de rematar o noso mandato como directiva, parécenos apropiado dar a coñecer a todo o público este novo espazo e invitarvos a colaborar con nós neste proxecto que agora actualizamos. Queda moito camiño por facer e é necesario que todos colaboremos, suxerindo contidos, facendo comentarios, corrixindo erros, aportando imaxes,… Queremos que sexa un espazo vivo no que compartir información e no que nos atopemos todos e todas. A dirección da renovada web é www.bandamusicaribadeo.org e nela poderedes encontrar: unha pequena historia da Asociación Amadores da Música, co listado de tódolos directivos desde a súa fundación no 1998 ata os nosos días; unha breve historia da Banda e dos seus directores; unha relación dos músicos e músicas que conforman a plantilla actual; unha relación por cordas de tódolos músicos desde 1992 (ano no que debuta a Banda) ata hoxe; un listado con tódalas actuacións desde 1992; tódolos programas de man dixitalizados que se foron conseguindo desde o seu inicio; fotografías de concertos e de momentos da Banda; blog de noticias; pódense escoitar as gravacións dos 4 discos existentes ao día de hoxe; un espazo onde descargar partituras (aínda que de momento só está exposta a de Da Capo); direccións varias para poder contactar coa asociación e tamén como facerse socio/a;… En fin, todos aqueles contidos que dan razón de ser e de facer da Banda durante todo este tempo. Esperamos cumprir as expectativas de todo o noso público e agardamos as vosas críticas, suxestións e colaboracións para manter vivo este ideal musical e formativo que enorgullece á nosa vila”.
Concerto de Semana Santa
O tradicional concerto de Semana Santa da Banda Municipal de Música de Ribadeo terá lugar no Teatro o día 20 deste mes, domingo, ás 20:30 horas. Sobre esta actuación o director da Banda, David Ballester, explicou hoxe que “este ano, como novidade, interpretaremos música de Semana Santa e tamén típica para bandas; teremos unha actuación en dúas partes”. David Ballester engade que “ademais teremos a sorte de contar cunha solista da banda, que é Paula Pérez Conde, quen tocará á súa frauta o Adagietto for flute, de Ted Huggens. Esperamos que toda a xente que estea en Semana Santa por aquí, pola vila de Ribadeo, poida achegarse e gozar do concerto que imos interpretar”.
Por outra parte, o próximo 31 de marzo de 2016 a actual directiva de Amadores da Música remata o seu mandato, segundo o establecido nos estatutos da asociación, “non existindo por parte dos compoñentes actuais intención de presentar unha nova candidatura”, segundo anunciaron. Por ese motivo, convócase asemblea xeral extraordinaria para o día 2 de abril de 2016 ás 20:00 horas, en primeira convocatoria, e ás 20:30 horas, en segunda, no salón de actos da Casa do Mar cun único punto no orde do día: elección de nova directiva.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
