Lugo, 15 de marzo de 2016.- A Deputación de Lugo acolleu este martes a presentación do libro Titanes contra la pobreza, no que o autor, Jose De Cora, conmemora os 50 anos de Cáritas Diocesana en Lugo, do autor José de Cora. Esta publicación conta cunha achega provincial de 6.000 para financiar parte dos custos de edición. No acto participaron a Deputada de Economía, Recadación, Facenda e Especiais de Contas da Deputación, Pilar García Porto; a Alcaldesa de Lugo, Lara Méndez López; o Bispo de Lugo, Alfonso Carrasco Rouco; o Director de Cáritas Diocesana, Ginés Plaza; a Secretaria xeral de Igualdade da Xunta, Susana López Abella e o escritor do libro, José de Cora.
José De Cora explicou que “a obra é como un álbum de fotografías no que se rende homeaxe a todos os implicados nos 50 anos de historia de Cáritas na provincia; e no que se pode apreciar a grandisima evolución no seo da propia organización durante todos estes anos”
A Deputada destacou “a importante labor social que xoga Cáritas na sociedade lucense, a través de programas como Vivir na Casa que conta xa con máis de 30 anos de historia e co que colabora a Deputación cunha achega de 18.000 euros. Con ela, ducias de veciños da provincia de Lugo reciben unha atención personalizada diaria no coidado a persoas maiores así como tarefas de axuda no fogar”.
A Alcaldesa de Lugo, Lara Méndez, subliñou que a obra de José de Cora pon en valor e supón un recoñecemento “á historia e ó incansable traballo de Cáritas para axudar ás persoas que máis o necesitan”, así como a súa “loita contra as desigualdades”.
Méndez destacou a “gran cantidade de persoas que mobiliza nos seus servizos e actividades” esta organización, “que foi e segue sendo ademais precursora de programas que atenden moitas necesidades sociais que as administracións non soubemos ver e que despois contribuímos a impulsar grazas ao seu labor”.
A rexedora gabou o traballo de De Cora por recompilar en Titanes contra la Pobreza os 50 anos de vida de Cáritas, unha obra que servirá “para visibilizar máis se cabe” o labor desta entidade.
O Director de Cáritas sinalou a importancia desta obra para lembrar “a labor de tantos lucenses: voluntarios, socios, colaboradores e traballadores de Cáritas en apoio aos máis desfavorecidos da sociedade; todos eles foron e son parte fundamental da historia desta institución, así como de Lugo, e así se verá reflexado neste libro”
O Bispo de Lugo, quixo pór en valor a creación de Cáritas, un 4 de xuño de 1964, foi “a expresión da fé profunda do pobo de Lugo a Jesús Sacramentado presente no Altar Maior da catedral. Este libro fala da sencillez da nosa igrexa e de Cáritas que teñen acompañado a moitas persoas, atendido moitas necesidades e consolado moitos sufrimentos. Como Igrexa debemos estar no medio do mundo e que a nosa presenza faga posible o encontro, o diálogo e a esperanza, sin aceptar exclusións, divisións ou marxinancións”.
Pola súa banda, a secretaria xeral da Igualdade, Susana López Abella, fixo un amplo percorrido polo libro, lembrando algúns dos fitos máis destacados da historia de Cáritas Diocesana de Lugo e o seu traballo desinteresado na loita contra a pobreza e a exclusión social.
Precisamente, a titular da Igualdade destacou o traballo que nos últimos anos están a desenvolver para axudar e atender ás mulleres que exercen a prostitución ou son vítimas de trata con fins de explotación sexual, un labor que é apoiado pola Xunta de Galicia e no que se teñen investido máis de dous millóns de euros nos últimos seis anos.”
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
