Lugo, 29 de marzo de 2016.- O vicevoceiro provincial do PSOE, Pablo Rivera Capón, defendeu este martes no Pleno a proposta do Goberno da Deputación de esixir ao Executivo central a paralización do desmantelamento do servizo de Correos na provincia de Lugo. Pois suprimise, oficialmente, 29 prazas, e ten a previsión de destruír outras 11, ao tempo que xa destruíu 121 empregos en 2 anos. Todo isto en detrimento dos Concellos lugueses.
A iniciativa foi aprobada polo equipo de Goberno e o Deputado non adscrito, o PP votou en contra.
Con esta proposta, a Deputación de Lugo demanda á Sociedade Estatal de Correos e Telégrafos que restitúa nos Concellos da provincia os servizos suprimidos durante os anos 2013, 2014 e 2015. Tamén reclama á Xunta de Galicia que realice as xestións necesarias ante o Goberno do Estado para recuperar tanto esta prestación como o seu persoal nas mesmas condicións laborais.
O vicevoceiro socialista lembrou que foi o actual Presidente da Xunta, Alberto Núñez Feijóo, o que iniciou o proceso de privatización do servizo de Correos. Rivera Capón advertiu que nos últimos cinco anos se destruiron entre 13.000 e 14.000 postos de traballo en todo o Estado.
“Non se contrata persoal temporal para as substitucións de vacacións. Coas cifras na man, suprimíronse oficialmente 29 prazas. E na actualidade, a previsión é recortar outras 11 prazas. Ademais comparando os censos de persoal na provincia de Lugo, (entre persoal funcionario e laboral), destruíronse 121 postos de traballo nos últimos dous anos”, remarcou.
En Comarcas coma as da Mariña, Lugo ou a Sarria, estanse a suprimir repartos e persoal en zonas rurais. Ademais reducíronse horarios de apertura en case a totalidade das oficinas, e mesmo se imposibilita o envío de paquetería, obrigando á poboación a trasladarse ás oficinas principais para este tipo de envíos, cando en moitos casos é o propio Concello o que asume a titularidade do local.
“Pregúntelle aos Alcaldes do PP si están dacordo coa política de Correos”. Rivera acusou ao PP “de non facer absolutamente nada por mudar esta situación”. E afirmou que “o que pretende o PP é suprimir as oficinas auxiliares, tan necesarias na provincia de Lugo”.
A Deputación realizará un estudo da represión na provincia
O voceiro provincial do BNG, Xosé Ferreiro, defendeu no Pleno a proposta do Goberno provincial de promover, ao longo do ano 2016, o desenvolvemento dun programa de actividades –en colaboración con entidades da Memoria e Concellos- arredor da memoria histórica e da represión franquista. A proposta non contou co apoio dos 12 Deputados do PP, pero foi aprobada polos equipo de Goberno da Deputación e o Deputado non adscrito.
Xosé Ferreiro anunciou que a Deputación de Lugo realizará, coa participación das entidades da Memoria, un estudo da represión na provincia de Lugo para elaborar, con outras institucións e colectivos, un Mapa da Memoria (rede de lugares da represión, resistencia, solidariedade e homenaxe en Galicia).
O voceiro provincial do BNG sinalou que dende o organismo provincial promoverase un recoñecemento e homenaxe a todas aquelas persoas que ostentaban cargos públicos para os que foran elixidos democraticamente e que foron represaliados, encarcerados ou asasinados debido a ese cargo que ostentaban e as ideas que defendías a raíz do golpe de estado de 1936.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
