FPF solicita ó alcalde de Foz e ó seu equipo a reparación das baldosas soltas das aceras, do valado arredor do Monumento ó Mariñeiro en Porto Chico, e da fonte da praza Conde de Fontao

Foz, 2 de febreiro de 2016.- Neste pasado pleno do Concello de Foz do 25 de Febreiro,“Foz,Plataforma de Futuro” presentou tres rogos ó alcalde e o seu equipo de Goberno para a súa realización no menor tempo posible.

O primeiro rogo consistía en pedirlle ó Alcalde e ó seu equipo de Goberno que procedan a reparar todas aquelas baldosas que se atopan soltas nas distintas beirarrúas do noso Concello, que sobre todo agora en tempo de choivas, fai que as persoas que pisen nelas leven unha desagradable sorpresa mollando pes e pantalóns.

O segundo rogo consistía en pedirlle ó Alcalde e o seu equipo de Goberno que procedan a reparar e repoñer as vallas que se atopan en Porto Chico ao redor do Monumento ó Mariñeiro, vallas que se atopan arrincadas nalgúns casos e noutros casos teñen importantes danos.

E o terceiro rogo solicitámoslle ó Alcalde e ó seu equipo de goberno procedan a reparar a fonte da Praza Conde de Fontao, fonte que leva sen auga xa máis de dous anos, e ultimamente sufriu a ruptura da parte máis alta desta e mais do seu tubo interior.

Neste Pleno tamén “Foz,Plataforma de Futuro” realizou tres preguntas:

-A asociación de Veciños de San Acisclo presentou o 18 de xaneiro do 2015 e 18 de Novembro do 2015 a solicitude de sendos informes técnicos á Policía Local de Foz sobre a seguridade dunha marquesiña colocada na parroquia, sen embargo a fecha de hoxe aínda non recibiron dito informe, preguntamos ó Alcalde dende FPF si sabe algo dese informe.

Resposta:Ese informe está feito e en vindeiros días a Asociación de Veciños de San Acisclo o recibirá.

– O Colexio público número un solicitou recuperar o local onde ensaia a Banda de Música de Foz por necesidades do centro, isto implicaría que a Banda quedaría sen sitio para ensaiar e gardar os seus instrumentos, entón preguntamos dende FPF si o Concello xa ten pensado un local onde reubicar ós alumnos e as persoas que utilizan dito local.

Resposta: De momento non se atopou local adaptado, pero estase traballando para dar unha solución o antes posible.

-Preguntamos neste caso ó Concelleiro de obras porque non se limpou en Cordido a zoa do río entre o muíño de Prudencio e o muíño de Engracia.

Resposta: Non se puido limpar por falta de tempo, pero está incluído para facer no proxecto do vindeiro obradoiro de emprego que ten o Concello de Foz solicitado.