A Mariña, 31 de marzo de 2016.- O Presidente da Mancomunidade, Alfredo LLano, asistía este xoves en Madrid á entrega dos Premios de Artesanía 2015 que concede o Ministerio de Industria e nos que A Mariña foi finalista na categoría Promociona para Entidades Locais. Llano dixo que a experiencia foi moi positiva.
Alfredo Llano manifestou: “estiven falando con membros do tribunal e dicíanme que o noso é un gran proxecto, pero que aínda ten que madurar un pouco máis e é verdade. Nosoutros imos promover e dimensionar moito máis esta ruta dos artesáns que temos como proposta porque a idea é extraordinaria, pero aínda hai que ampliala máis porque hai que recoller máis artesáns e cuestións que poidan ir para a promoción da nosa artesanía, o noso turismo e os nosos concellos polos que pase esta ruta”.
O presidente da Mancomunidade subliñou que “é unha honra estar aquí como finalistas porque quen gañou foi un Cabildo das Illas Canarias que xa levaba cincoenta anos con ese proxecto que hoxe levou o primeiro premio. Iso quere dicir que evidentemente hai que traballar as cousas e asentalas. Nosoutros levamos moi pouco tempo aínda con esta ruta. Realmente foi unha promoción que se fixo o ano pasado. A idea é boísima, hai que seguir madurando nela e vai dar o resultado para o que foi creada”.
E engadiu que “imos intentar perfeccionala este ano non coa finalidade de que gañe un premio senón coa finalidade de que A Mariña gañe, gañen os seus artesáns, gañen os seus concellos e gañen as rutas que queremos promover como unha oportunidade, turística, cultural e etnográfica e de produtos de calidade”.
Alfredo LLano indicou que “a experiencia en Madrid foi moi boa, temos a gran sorte de ser finalistas, hai que darse conta que todas as comunidades autónomas e moitísimas entidades porque hai cinco categorías, presentaron os seus proxectos e estar entre os tres mellores evidencia que deben estar moi contentos e realmente é así”.
Finalmente Alfredo Llano deu “os parabéns A Mariña de Lugo por estar finalista e desde logo o único que nos da isto é motivación e orgullo para seguir adiante con este proxecto”.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
