Lugo, 26 de abril de 2016.- Os 12 Deputados do Partido Popular e o Deputado non adscrito presentaron este martes no Pleno sendas emendas á proposta do Goberno Provincial do Plan de Obras e Servizos para 2016 (POS), que contempla preto de 6 millóns de euros para obras nos 67 Concellos da provincia. Os votos destes 13 Deputados supuxeron a aprobación das súas emendas. Con todo, a continuación, xa na votación do POS emendado, os mesmos 13 Deputados votaron en contra das súas propias emendas e da aprobación deste plan, co fin de paralizar un investimento millonario para a totalidade de municipios lugueses. Son 4,5 millóns de euros da Deputación, achega que o Goberno Provincial decidiu cuadriplicar con respecto ao ano pasado, e aínda que estes 13 Deputados querían só duplicala, de feito así o aprobaron conxuntamente nun Pleno; e 1,2 millóns de euros dos propios Concellos.
O Executivo Provincial considera que “a actitude totalmente incongruente” dos 12 Deputados do PP e do Deputado non adscrito responde “á súa estratexia conxunta de boicotear todas e cantas iniciativas partan do equipo de Goberno. Esta estratexia é froito do síndrome presidencialista que padecen a voceira provincial do PP e o Deputado non adscrito, que están empeñados en facer todo o que sexa posible para paralizar a actividade da Deputación, con tal de satisfacer o seu tremendo ego. Ambos os dous contan, evidentemente, coa complicidade dos outros 11 Deputado do Partido Popular. Polo tanto, dun xeito totalmente irresponsable, 13 Deputados están a antepoñer intereses persoais e partidistas ao interese colectivo dos lugueses”.
13 Deputados tamén bloquean a aprobación definitiva do Presuposto
“O mesmo está a acontecer co Presuposto da Deputación para 2016”, remarca o Goberno Provincial. “Os mesmos 13 Deputados manteñen bloqueada a súa aprobación definitiva. Son capaces de paralizar a proposta de Orzamento do Presidente para os 350.000 lucenses dos 67 Concellos, que se centra en emprego, políticas sociais e mellora das infraestruturas. De feito, o Deputado non adscrito xa foi capaz de votar en contra da súa aprobación inicial, mentres o Partido Popular, consciente de que non podía votar en contra dunha proposta de Campos Conde para todos, optou por marcha do Pleno, nun acto de suma covardía e protagonizando unha auténtica escena teatral”.
Alegacións e recurso administrativo
“Os 13 Deputados teñen bloqueado a aprobación do Orzamento porque presentaron preto dunha ducia de alegacións e ata un recurso administrativo. No caso do PP, fixérono no último día legal; feito que é inexplicable, pois transformaron as emendas de marzo en alegacións. É dicir, non tiveron traballo a maiores”. O mesmo fixo o Deputado non adscrito, que tamén transformou as emendas en alegacións. Xunto a decena de alegacións do PP e do Deputado non adscrito, “é curioso” o feito de que un veciño de Becerreá presentase, exactamente, as mesmas emendas que o Deputado non adscrito.
“Síndrome presidencialista”
“O conxunto das alegacións tamén responden ao síndrome presidencialista e aos intereses persoais da voceira provincial do PP e do Deputado non adscrito. Pois, por un lado, e como mostra da xa non sorprendente complicidade que existe entre ambos os dous Deputados, coas alegacións tratan de recortar investimentos para todos os Concellos co fin de incrementar, exclusivamente, os de Becerreá e Mondoñedo. Co resto de alegacións, tratan de ralentizar a actividade da Deputación. Por exemplo, queren que os investimentos de 3.000 euros sexan aprobados no Pleno e non na Xunta de Goberno. Isto prexudicaría, gravemente, a todos os Concellos, asociacións, fundacións ou colectivos sen ánimo de lucro de toda a provincia, pois demoraríanse a aprobación de todas as axudas, e na Deputación só se xestionaría 1 día ao mes”.
Pleno Extraordinario
Coa presentación das emendas e do recurso administrativo, 13 Deputados conseguiron que hoxe non fose ao Pleno a aprobación definitiva do Presuposto da Deputación para 2016. Pois cada unha das alegacións require dun informe de intervención e dun informe de secretaria xeral, mentres o recurso administrativo tamén require dun laborioso informe xurídico. En todo isto están a traballar a reo os técnicos provincias, pois o obxectivo do Goberno Provincial é levar a aprobación do orzamento a un Pleno Extraordinario en maio, aínda todas as trabas que segan a interpoñer 13 Deputados.
O Goberno Provincial remarca que “actuaremos respectando os informes técnicos, que establecerán a estimación ou non do conxunto de alegación e do recurso administrativo; e con moita responsabilidade. É dicir, anteporemos, sempre, o interese colectivo dos máis de 350.000 lucenses dos 67 Concellos aos individuais da voceira provincial do Partido Popular e do Deputado non adscrito”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
