A Mariña, 27 abril de 2016. Ana Pontón Mondelo, portavoz nacional do BNG, visitará este xoves a comarca da Mariña para reunirse ás 17.00 horas co comité de empresa de Alcoa en San Cibrao, ás 18.30 horas mostrará o apoio da organización nacionalista á loita polo mantemento do emprego cunha reunión con delegadas sindicais da conserveira celeiresa Antonio Alonso na Casa Sindical de Viveiro. Na axenda deste xoves está prevista visita ao concello de Muras, onde o BNG desde a alcaldía nas pasadas eleccións municipais, está levando adiante un cambio radical na forma de goberno, democratizando a vida municipal,impulsando a economía local aproveitando recursos produtivos propios e poñendo ao servizo da veciñanza todos os recursos cos que conta este concello da montaña mariñá para mellorar as súas condicións de vida, e recuperar a poboación perdida nos últimos anos.
Visita ao concello de Muras
Ana Pontón visitará o concello de Muras onde será recibida polo grupo de goberno do BNG que forman o alcalde nacionalista Manuel Requeixo, Belén Chao e Carlos Carballés así como unha delegación da executiva comarcal na Mariña con Antonio Veiga Outeiro, Vicepresidente da Deputación de Lugo e o responsábel de Organización, Xoán Antón Estúa.
No concello de Muras está prevista visita ao concello ás 12:00, posteriormente un parque eólico, unha explotación apícola e unha gandeira de carne. O BNG desde a súa chegada ao goberno municipal está levando adiante unha política de aproveitamento dos recursos propios do concello e proximamente porá en práctica a redistribución da riqueza xerada pola instalación de parques eólicos no municipio entre a súa poboación, permitindo na maioría dos casos o subministro eléctrico gratuíto á súa veciñanza.
Encontro co comité de empresa de Alcoa e con delegadas de persoal de Conservas Alonso en Viveiro
Ana Pontón manterá como portavoz nacional do BNG, o seu primeiro encontro co Comité de empresa de Alcoa San Cibrao, onde recollerá información sobre a situación laboral da empresa, previsións de futuro e circunstancias concretas do abastecemento enerxético, tendo en conta que este é o principal custe produtivo da empresa e que o BNG, xunto coa CIG, gañadora das últimas eleccións sindicais, reclaman a existencia dunha tarifa eléctrica galega que permita a empresas e familias dispor dun abastecemento enerxético a uns prezos acordes á capacidade de xeración eléctrica de Galiza.
Por último, ás 18:30, a portavoz nacionalista manterá un encontro con delegadas sindicais de Conservas Antonio Alonso na Casa Sindical de Viveiro. Nel trasladará o apoio da formación nacionalista ás traballadoras na demanda de manter as instalacións desta empresa en Celeiro e os postos de traballo. O BNG ponse a disposición destas traballadoras, moitas delas cunha difícil saída laboral de perpetrarse o peche da planta, para trasladar ao Parlamento Galego e ás institucións onde teña representación a súa problemática.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
