19 de abril de 2016.- O Congreso dos Deputados reiterou este martes a súa vontade de continuar coa política de control e inspección destinada a perseguir a pesca ilegal, non declarada e non reglamentada INDNR-IUU.
A Comisión de Agricultura, Alimentación e Medio Ambiente da Cámara Baixa aprobou unha Proposición non de Lei do Grupo Parlamentario Popular, defendida polo deputado Joaquín García Díez, na que se asegurou que España pasou de ser considerado un país infractor (con dúas sancións pola sobrepesca da xarda de 2009 e 2010) a liderar de maneira indiscutible o control da pesca ilegal a nivel mundial e comunitario.
García Díez lembrou que o Goberno de Mariano Rajoy, cos cambios introducidos en 2014 na Lei de Pesca Marítima do Estado, situouse como un país serio e crible en materia de control de pesca e subliñou tamén que xunto ao reforzo na capacidade sancionadora traballouse en cuestións importantísimas impulsadas pola FAO, como a creación do Rexistro Mundial de Buques de Pesca, promovéronse iniciativas como o observador electrónico e de transparencia na actividade pesqueira internacional, medidas de conservación, participación en foros internacionais de loita contra esta pesca ilegal, e colaborouse con organizacións internacionais como FAO e Ong medioambientalistas, para potenciar a verificación das licenzas privadas a través das nosas Embaixadas ou actuando fronte a nacionais enrolados en buques incluídos en lista de buques que practican a pesca INDNR.
O portavoz popular de Pesca insistiu en que España é hoxe un modelo a seguír na loita contra a pesca INDNR-IUU e contrastou esta situación coa herdada do goberno do PSOE, na que pesaba sobre o noso país unha seria advertencia da Comisión Europea polas graves deficiencias detectadas no sistema español de inspección que podía derivar novas sancións e que, ademais, poderían ter debilitado e restado credibilidade á administración española nun momento crucial no que se estaba negociando en Bruxelas a nova política pesqueira común e a súa dotación orzamentaria para os próximos 10 anos.
García Díez salientou que hoxe a actividade pesqueira no noso país “baséase nun coñecemento científico máis sólido; nunha xestión que asegura o máximo rendemento dos recursos a longo prazo e no cumprimento estrito das normas de control” e apuntou que este cambio na posición de seriedade de España permitiu “mellorar as posibilidades de pesca e de comercialización do noso sector; lograr máis fondos para a nosa frota e a nosa industria, e situarnos á cabeza en materia de cumprimento e control”.
Balance
Entre outras cuestións, o deputado popular subliñou que na área de control traballouse para levar a cabo o seguimento da actividade pesqueira 24 horas ao día, 365 días ao ano, de máis de 2.000 buques españois, en calquera dos mares do mundo. E tamén dos buques estranxeiros, cando pescan en augas baixo xurisdición nacional.
Na área de Inspección Pesqueira, García Díez asegura que se conta con medios humanos, marítimos e aéreos, para cumprir coas obrigas e que se traballa nun clima excelente de cooperación coas inspeccións doutros organismos da Administración Central (principalmente a Armada e a Garda Civil) e as Comunidades Autónomas.
O portavoz popular salientou que na área que se ocupa da loita contra a pesca ilegal, que verifica a legalidade dos produtos da pesca de terceiros países, están a xestionarse máis de 40.000 expedientes ao ano e que España “é hoxe o Estado membro que realiza un maior número de controis e que leva a cabo un maior número de denegacións. Concretamente, máis do 50% das denegacións que se realizan na Unión Europea teñen lugar en España, a pesar de que os envíos ao noso mercado representen só o 20% do total das importacións ao mercado comunitario”.
Na súa minuciosa explicación da situación actual das medidas do Goberno para o control da pesca ilegal, García Díez explicou tamén que, dentro do “Equipo de intelixencia”, encargado de realizar as análises de riscos e de planificar as investigacións que, en cada caso, se requiren, España impulsou operacións tan importantes como Sparrow e Sparrow 2, que supuxeron xa a sanción a 9 empresas e 7 persoas físicas, cun importe global de 17,8 M€ e a inhabilitación para o exercicio da actividade e a prohibición de obter axudas e subvencións por períodos que van dos 5 aos 26 anos. “Estas operacións non teñen precedentes nin pola súa dimensión nin envergadura e marcaron un antes e un despois”, dixo, e remarcou que a seriedade neste traballo motivou que o pasado 16 de marzo o Presidente do Bureau Veritas realizase a entrega da certificación “ISO 9001 – 2015” á Ministra de Agricultura, Alimentación e Medio Ambiente, unha certificación que avala a seguridade e a responsabilidade dos procedementos de control e reforza a credibilidade dos nosos sistemas de seguimento da actividade pesqueira.
Para García Díez, “a loita contra a pesca ilegal é algo irrenunciable”, polo que agradeceu o respaldo unánime do resto de grupos parlamentarios a esta iniciativa.
Foi o pasado venres, 30 de maio, na Finca San Antonio coa presenza de Agustín (porteiro do Madrid nos anos 80) en representación do club branco. Tamén estiveron presentes as Peñas de Viveiro, Xove e Ribadeo. Non acudiu, como estaba previsto, Tomás Roncero por problemas de saúde. No acto xuntáronse unhas 90 persoas.
Ao redor das 16:00 horas deste sábado, a Garda Civil informou ao 112 Galicia da presenza de dúas persoas atrapadas nunhas rochas, ás que a subida da marea impedía regresar a terra. Pouco despois, os xestores do Centro Integrado de Atención ás Emerxencias puideron contactar tamén cos implicados, que indicaron que se atopaban fronte a Pena Furada e confirmaron non podían volver polos seus propios medios. Desde o 112 Galicia alertouse a Salvamento Marítimo, ao Servizo de Gardacostas de Galicia, que mobilizou a auxiliar Mar de Galicia, e ao GES de Ortigueira. A embarcación recolleu en bo estado a ambas persoas, que foron trasladadas ao porto de Cariño.
O mandatario provincial trasladou persoalmente, en nome da institución provincial, as súas máis sentidas condolencias, así como o seu desexo dunha pronta recuperación para as persoas feridas. A continuación Tomé Roca asistiu á misa na igrexa parroquial e, posteriormente, participou na tradicional procesión ata o altar instalado na Nave de Redes do Porto. O percorrido realizouse sobre a alfombra floral elaborada polos veciños e veciñas da localidade, que este ano rende homenaxe á gastronomía e á figura do artista Xosé Vizoso.
Ocorreu na rúa de Viladaide Praia Altar. O 112 Galicia tivo constancia do accidente a través do persoal de Urxencias Sanitarias de Galicia-061, pouco antes das 13 horas: dous vehículos acababan de colidir e unha persoa permanecía no interior dun eles, incapaz de abrir a porta. Os Bombeiros de Barreiros tiveron que empregar o seu material de excarceración para extraer á persoa en condicións de seguridade. No operativo participou tamén a Garda Civil de Tráfico.
A alcaldesa, Dolores García Caramés, foi testemuña do fantástico traballo do alumnado que se afana en elaborar fermosas manualidades con moita dedicación e ilusión. Un espazo de creatividade e convivencia na Casa do Mar grazas á colaboración tamén de Adaoemam A Mariña
A vítima sofrira feridas moi importantes nunha perna. Finaba a primeira hora deste sábado. Outras 5 persoas atropeladas no sinistro continúan en planta no hospital da Mariña.
Este xoves 29 de maio, A A.C. Francisco Lanza organizaou a presentación de “Cartas na escuridade”, de Lois Pérez. Da man de Teresa González Piñeiroa, e do propio autor, xs asistentes descubriron aos poucos pequenas claves da obra que recibiu o Premio Follas NOvas ao mellor libro xuvenil.
