Burela, 7 de abril de 2016.- Chegou a quenda dos orzamentos no concello de Burela, xa en pleno mes de Abril. Non se entende moi ben que se demoraran tanto cando se trata duns presupostos moi similares ós anteriores.
O mais extrano para o BNG de Burela é o feito de que certos anuncios feitos polo alcalde, Alfredo Llano, durante estes meses de goberno socialista non se ven reflexados no documento que foi presentado. Así as cousas, “non vemos por ningures nin a remunicipalización dos servizos básicos, coma a auga e o lixo, que o PSOE compartía con nos no programa eleitoral nin o plan de emprego que prometeron levar a cabo” sinalou o voceiro nacionalista Mario Pillado.
O peor de todo isto é que son nestes conceptos onde segue a medrar o gasto, posto que so en abastecemento de auga, recollida de lixo e alumeado público ten aumentado o gasto en 88000 euros, atendendo ós datos da liquidación de 2015. “Estamos convencidos que facendo públicos estes servizos se podía aforrar coste e mellorar un servizo que na actualidade non é acorde co que estamos a pagar” salientou Pillado.
Non é este o gasto que máis preocupa os nacionalistas, despois do brutal aumento sufrido nos anteriores orzamentos en partidas coma gastos protocolarios, propaganda, dietas, locomoción e outros gastos dos órganos de goberno, neste 2016 o seu nivel non baixou en absoluto, é mais, hai partidas que duplican o seu valor, algo que non se entende.
Os socialistas non mudan as políticas sociais e laborais anteriores
Por outra banda, repasando o gasto social orzamentado, tanto en asistencia social, en asistencia en drogodepencias e igualdade, é totalmente continuista, non se aprecia cambio de políticas por ningún lado. O mesmo ocorre no eido do emprego, comercio e turismo. Para o edil Mario Pillado “estamos deixando os cartos en empresas privadas nos servizos básicos e logo non podemos incrementar o gasto no social, laboral, comercial e turístico, fai falla mudar completamente o sentido político dos orzamentos para sairmos adiante”.
Por outra banda, no apartado de ingresos, os nacionalistas lamentan como de novo volven a subir tanto os impostos directos como as taxas e prezos públicos. “Son os veciños os que soportan de novo a maior carga destes orzamentos, cunha subida de impostos e taxas do 5 %, curiosamente no mesmo nivel no que aumenta en termos absolutos o propio orzamento. Os burelaos imos a pagar mais sen ter garantía nengunha de que logo vaiamos ver reflexado iso na nosa calidade de vida, mais ben todo o contrario” rematou o edil nacionalista.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.