ervo, 1 de abril de 2016. O BNG – AA en Cervo cualificou de “absoluto despropósito” a actitude do Partido Popular no goberno municipal de Cervo no pleno municipal celebrado na tarde de onte. É un despropósito non ter en conta as advertencias do servizo de secretaría municipal sobre as limitacións para contratar impulsadas polo propio Partido Popular a nivel do Estado, e saltalas segundo conveña por motivos puramente electoralistas. É un despropósito insultar ás mais de 1.600 persoas que reclamaron coa súa sinatura habilitar de maneira regulada unha das praias do concello para uso canino e a creación dun parque canino. É un despropósito negar o apoio ás demandas do sector leiteiro galego no mesmo día que se manifestaban diante da Consellaría do Medio Rural e limitarse a facer unha campaña de promoción que sen ser negativa, non resolve os graves problemas do sector.
O PP prepara o ano electoral usando unha vez máis os recursos municipais para contratacións caciquís e electoralistas
Para o portavoz municipal nacionalista, Luís Bernardo Insua, “o PP fai e desfai a golpe de calendario electoral”, “non é lóxico que tres meses despois de aprobar os orzamentos 2016 incluíndo o cadro de persoal para o exercizo, agora pretendan amplialo con mais contratacións a pesar das advertencias sobre as limitación existentes expostas nun informe da secretaría municipal”. Bernardo Insua afirmou que o goberno municipal unha vez mais uso o concello de maneira caciquil preparando contratacións clientelares simplemente porque estamos en ano electoral, non para mellorar os servizos.
PP e PSOE néganse a apoiar a iniciativa veciñal para crear un parque canino e habilitar unha praia con acceso a cans
Os nacionalistas tamén criticaron con contundencia a negativa, tanto do PSOE como do PP a apoiar a iniciativa popular presentada no concello avalada por mais de 1.600 sinaturas para habilitar de maneira regulada unha das praias do concello para uso canino e un parque canino. Bernardo Insua cualificou de insultante a actitude e do PP e decepcionante a do PSOE por non querer asumir unha demanda social que vai en aumento, con escaso custo económico para o concello e que melloraría os servizos para persoas residentes e visitantes.
No mesmo día no que o sector leiteiro se manifestaba en Compostela, o PP nega o apoio ás súas demandas
Por ultimo, desde o BNG – ASEMBLEAS ABERTAS cuestionaron a iniciativa da alcaldía para apoiar a campaña da Xunta de Galiza para promoción do leite galego aínda que a votaron a favor, mais resaltaron que non vai resolver os problemas do sector leiteiro. Pola contra, o Partido Popular, negouse a apoiar unha emenda nacionalista defendendo a necesidade de establecer un prezo digno por riba dos custes de produción e a garantía de recollida do leite en orixe, amais de poñer en marcha iniciativas serias de cara a buscar a unión do sector para traballar na construción dun proxecto de base cooperativa e de produtores para transformación do leite e derivados que xere riqueza e valor engadido repercutindo no propio sector.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
