CON PÓLVORA E MAGNOLIAS. Conta San Agustín a historia dun pirata que foi capturado por Alexandre Magno, quen lle inquiriu: “Como ousas molestar ao mar?”; a réplica do pirata foi tan inmediata como xenial: “Como ousas ti molestar ao mundo enteiro? Eu teño un pequeno barco e por iso me chaman ladrón, ti tes toda unha flota e por iso te chaman emperador.”
Nesta mesma semana, a través dos “papeis de Panamá” coñecimos de máis de 11,5 millóns de documentos do bufete Panameño Mossack Fonseca, despacho especializado na xestión de capitais e patrimonios. Nestes documentos, que abranguen un lapso de 38 anos, recóllese un número avultado de persoeiros que ocultaron patrimonios a través de sociedades en paraísos fiscais. Un destes é Panamá, pero tamén hai outros centros investigados como as Illas Virxes, Seychelles, Samoa, Bahamas, Hong Kong, Costa Rica…
O xerme dos “centros financeiros offshore” atoparíase no romanticismo da piratería de Walter Raleigh ou Francis Drake, que escondían os seus botíns en lonxanas illas do pacífico; asemella que aqueles piratas, que espertaban certa simpatía no gran público, xa que combatían ao establishment , mutaron co tempo, transformáronse, e agora son, de xeito simultáneo, piratas e emperadores. E que hoxe día, parte importante dos botíns modernos, proceden do tráfico de drogas, do negocio do ladrillo, das comisións deportivas, do tráfico de armas ou da financiación de grupos terroristas, entre outros.
O golpismo financeiro xera un efecto esquizofrénico, onde un non chega a distinguir entre realidade e ficción, entre pirata ou emperador; a clase dirixente, o aparato político, sinala ás PEMES e autónomos como os grandes responsables da quebra do estado de benestar; curiosamente ningún destes apareceu relacionado nos papeis de Panamá, ningún destes ten “empresas pantalla” ou testaferros, nigún destes fai enxeñería contable… O xusto pago por disparar contra as maiorías tradúcese en portas xiratorias, en cargos en consellos de administración…
Algún dos referentes relacionados en ditos papeis xa convidaba á insubordinación fiscal: Vargas Llosa convertido en libertario, advertía que un Estado é máis inxusto cantos máis impostos se pagan; igual estaba tamén a transformarse en anarquista sen darse conta.
A conclusión é vella pero segue tan vixente como de costume: o debate non é pagar máis ou menos impostos, o quid radica en quen os paga; a cuestión non é homoxeneizar as políticas fiscais dos Estados soberanos, a tarefa primixenia estriba en acabar coa opacidade e impunidade delictiva. Termos como transparencia ou progresividade fiscal seguén a ser meras declaracións de intencións, simples brindis ao sol.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
