A Alcaldesa, o Concelleiro de Educación e a Concelleira de Cultura convocaron aos medios de comunicación para presentar os actos organizados para celebrar o Día das Letras Galegas
O vindeiro sábado, 30 de abril, arrinca a programación organizada polo Concello, a través das concellarías de Cultura e de Educación para celebrar o Día das Letras Galegas 2016. A programación inclúe diversos actos que se desenvolverán en distintas xornadas ata a súa clausura, o propio 17 de maio, data na que se celebra o Día das Letras Galegas.
Con esta efeméride, instituída en 1963 pola Real Academia Galega, preténdese homenaxear cada ano a aquelas persoas que destacaron pola súa creación literaria en galego ou pola súa defensa desta lingua, sendo o escritor Manuel María o homenaxeado na presente edición.
Entre os actos previstos, inclúense actividades coas que se pretende difundir a vida e obra do escritor chairego, como pode ser o obradoiro que terá lugar o vindeiro sábado, destinado ao público infantil; a proxección do documental que terá lugar o 6 de maio no Teatro Pastor Díaz, sobre a vida e obra do escritor; e a representación da peza teatral “Os soños da gaiola”, que terá lugar o 7 de maio, dirixido ao público infantil e baseado no libro homónimo, de poesía infantil, que Manuel María publicou en 1968.
A programación complétase con dous concertos, que terán lugar os días 16 e 17 de maio, nos que a Banda Municipal de Música, a Coral Polifónica Alborada e o Grupo Sons de Celeiro interprerán distintas pezas da música galega.
Con esta programación o Concello de Viveiro pretende sumarse ás múltiples actividades que ao longo do ano se desenvolverán nos distintos municipios galegos para homenaxear a un dos escritores máis representativos da literatura galega.
PROGRAMA LETRAS GALEGAS 2016
30 DE ABRIL- 16:00 HORAS- BIBLIOTECA MUNICIPAL- A LANTERNA MÁXICA- Taller para nenos de 8 a 14 anos.
A Lanterna Máxica é un obradoiro no que se mestura o máis divertido do cine, o teatro e a literatura. A partir de diferentes xogos de interpretación as nenas e os nenos de 8 a 14 anos de Viveiro, converteranse nos verdadeiros protagonistas dunha actividade breve pero intensa, que culminará coa grabación de diferentes textos de Manuel María, no que os participantes intervirán como pequenas actrices e actores.
6 DE MAIO- 21:00 HORAS- TEATRO PASTOR DÍAZ- Entrada gratuita- Proxección dun documental sobre a vida e obra de Manuel María.
7 DE MAIO- 18:00 HORAS- TEATRO PASTOR DÍAZ- Entrada gratuita- Representación da obra de teatral Os soños na gaiola, da compañía Trinke Trinke, dirixida ao público infantil. Esta obra é unha homenaxe ao poeta Manuel María e nela danse a coñecer parte dos poemas do seu libro Os soños na gaiola. Na función Trinke Trinke presenta aos nenos os poemas do escritor ao través da música e o xogo
16 DE MAIO- 21:00 HORAS- CONCERTO DA BANDA MUNICIPAL DE MÚSICA NA SALA MULTIUSOS DA CASA DO CONCELLO
17 DE MAIO- 12:00 HORAS- CONCERTO DA CORAL ALBORADA E DO GRUPO SONS DE CELEIRO NA PRAZA DA FONTENOVA
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
