Viveiro, 12 de maio de 2016.- O presidente do Comité Organizador do Congreso Comarcal do PP da Mariña, Antonio Basanta, deu conta este xoves da composición definitiva da Mesa encargada de supervisar o desenvolvemento da cita congresual que terá lugar este domingo, día 15, a partir das 10.30 horas no Teatro Pastor Díaz de Viveiro.
Si día atrás anunciaron que o focense Pablo Fernández Asensio, actual xefe territorial da Consellería do Mar será o presidente da mesa, hoxe explicaron que lle asistirán nesta responsabilidade catro compañeiros: o presidente do PP de A Pontenova, David Álvarez, a avogada de Burela, Mariló Cociña, o cervense Jose Ramón Soto e, en representación do Comité Organizador, Alba Rodil de Ribadeo.
Afiliados e simpatizantes do Partido Popular da Mariña están chamados a participar neste primeiro Congreso comarcal que, como principal novidade, suporá a primeira cita na que os militantes poderán escoller co seu voto directo ao Coordinador comarcal e a composición da súa Executiva.
O secretario do Parlamento de Galicia e concelleiro en Cervo, Jose Manuel Balseiro é o único aspirante a figura de Coordinador comarcal unha responsabilidade que adquire maior relevancia logo do compromiso da dirección provincial que preside Elena Candia de revitalizar as estruturas internas apostando por un partido máis próximo e participativo.
Tras a celebración do Congreso comarcal os afiliados e simpatizantes populares están chamados a un xantar de confraternidade, para o que se instalará unha carpa nas inmediacións do pavillón polideportivo municipal de Viveiro, xunto ao cámping, na zona dos institutos. Tanto a sede provincial como os distintos Comités Locais teñen a disposición das persoas interesadas as tarxetas a prezo de 25 euros.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
