O Valadouro, 3 de xuño de 2016.- A presidenta do PP de Lugo, Elena Candia, afirmou este venres que “o peor que lle pode pasar a España é retroceder ao que se fixo antes da chegada do Goberno do Partido Popular” e, en consecuencia, os populares agardan revalidar, e incluso ampliar, a confianza que as veciñas e veciños da Mariña veñen depositando no Partido Popular nos últimos procesos electorais.
Así o explicaron esta tarde nun encontro de precampaña que tivo lugar no Valadouro e no que participaron a presidenta provincial dos populares lucenses, Elena Candia, o cabeza de lista ao Congreso, Joaquín García Díez e o coordinador comarcal, José Manuel Balseiro.
Desde o Partido Popular consideran un erro recuperar as políticas socialistas que fracasaron no pasado e que nos levaron practicamente á quebra de España e aseguran que tampouco sería positivo apostar por políticas populistas ou extremistas que xa foron derrotadas pola pura realidade fai moitos anos. Pola contra ,os populares presentan o seu proxecto como a única alternativa capaz de garantir que a recuperación económica continúe e chegue a todos os fogares. “So o PP –aseguran- pode ofrecer estabilidade”.
Obxectivo: Ampliar apoios
Desde o Partido Popular da Mariña quixeron marcarse como reto volver a ser a primeira forza política, ampliando os apoios recibidos no mes de decembro e no obxectivo histórico de que dous veciños desta comarca, o candidato Jaime de Olano e Mercedes González, poidan obter os apoios necesarios para que A Mariña conte con dous deputados populares no Congreso.
O PP pon en valor a súa xestión
“Fronte ás políticas caducas do PSOE, que xa sabemos onde nos levan e fronte a extremismo e radicalidade, o PP presenta un proxecto moderado e de futuro. Fronte a candidatos inexpertos que queren chegar ao Goberno a aprender, presentamos un equipo avalado pola xestión de goberno, do Executivo que foi quen de evitar a quebra e que se esforza ao máximo por sacar a España da crise”, precisou a presidenta.
Mellora do emprego
Os populares poñen en valor que, en tempos de dificultade, o PP estivo centrado en dar solucións, con propostas eficaces como as que están permitindo reducir o desemprego, tamén na Mariña. Neste senso lembran que o último mes de maio descendeu o paro en 234 persoas situando a cifra en niveis que non se repetían nos últimos dez anos e todo iso, antes do inicio dunha campaña estival que pode ser histórica.
“Aínda queda moito traballo por facer, pero a vida dos cidadáns mellora cando se fan políticas de recuperación como as que leva impulsando o Partido Popular nos últimos anos a pesar de ter que xestionar o contexto de maior dificultade co que nunca antes nos tiñamos atopado”
Os populares remataron insistindo en que a súa prioridade nos vindeiros anos segue a ser que as persoas que non atopan unha oportunidade de traballo poidan facelo, e que sexa emprego estable e de calidade. Para iso insisten na importancia de seguir confiando no PP que foi quen de recuperar en España un millón e medio de empregos perdidos pola crise e que aspiran a seguir traballando, facendo as cousas con sensatez e sentido común ata recuperalos todos”.
Tamén haberá unha Master Class sobre o prato protagonista da xornada impartida por Alejandro Méndez e Alejandro Ares, membros da Asociación de Cociñeiros de Lugo. Outra das actividades previstas é unha exhibición de cociña e degustación gratuíta de máis de 700 tapas elaboradas con ovo e chourizo. Ademais, ao longo do día haberá actuacións musicais, feira artesanal con varios postos de artesanía alimentaria na que se promocionarán os produtos locais, talleres de oficios artesáns, exhibición de coches clásicos e xogos tradicionais.
Expón ata o sábado as novidades para este outono/inverno, co catalogo modificado de forma considerable, reducindo algúns modelos da súa produción, asi como a presentación duns 100 diseños novos, modificando tamen os acabados finaiss incluíndo cor en todas as pezas (en alta temperatura) azul, azul turquesa, verde, laranxa…
A clínica focense comprométese coa entidade laranxa e segue garantizándonos o bo estado de saúde dos nosos dous planteis.
Na reunión tratáronse as principais necesidades do municipio e exploráronse posibles vías de colaboración desde a Xunta para levar a cabo iniciativas conxuntas, no marco do compromiso do Goberno galego co eido local.
Xunto aos asistentes estiveron o alcalde, Dani Vega, e a concelleira de Benestar Social, Elena Sierra, que lles agradeceron que escolleran a vila ribadense para a celebración deste encontro.
Á tarde foi a sesión regato nas Escolas vellas de Cervo da man de Caxoto coa colaboración de Tarabela Creativa e Airiños do Xunco. Pola noite foi a quenda da sesión Río para público adulto no local Social da asociación de veciños do Burgo de Trasbar da man de Dani Blanco.
Félix Jorquera entrevistou ao alcalde, Fran Cajoto; ao concelleiro de Relacións Institucionais, Comunicación e Coordinación de Axenda 2030, Carlos García; os presidentes do CB Celtas de Foz e do CD Foz, Carmen Alonso e Asier Burundarena; e á dona da cafetería Marexada, Palmira Andrade. Con eles fixo un balance do verán, que está a piques de rematar, e que foi moi positivo para Foz, segundo subliñaron os participantes, analizou os proxectos para os vindeiros meses e pulsou o deporte local.
