Burela, 22 de xuño de 2016.- A presidenta do PP de Lugo, Elena Candia, puxo en valor este mércores o papel do sector pesqueiro en A Mariña, “por ser un dos piares fundamentais da economía na provincia, na comunidade e tamén no conxunto de España e en Europa”.
Así o explicou durante a visita á Confraría de Pescadores de Burela, na que estivo acompañada pola conselleira do Mar, Rosa Quintana, polo cabeza de lista ao Congreso por Lugo, Joaquín García Díez, e outros representantes populares, e na que recordou que “o peso da pesca desta comarca mutiplica por seis a contribución media deste sector no conxunto de Galicia”.
Ademais, a líder dos populares en Lugo afirmou que “Burela é sinonimo de merluza, e da boa”, xa que o porto desta vila, xunto co de Celeiro, concentran a maior parte da oferta de Galicia, España e Europa. “Burela e Celeiro son os referentes europeos na merluza fresca capturada coa arte do pincho”.
En concreto, lembrou que en Galicia se descargaron durante 2015 un total de 32.488 toneladas de pescada, o que supón un incremento do 8,1% respecto ao ano anterior con 30.038 toneladas descargadas. Só en Burela entraron 11.408, que supuxeron un valor de 51,2 millóns de euros.
Durante o paseo, Candia tamén amosou o seu orgullo porque o porto de Burela fose quen de adiantarse nos últimos anos a outros como o de Avilés, co que rivalizaba polo liderado no control do mercado desta especie que xa supón o 35% do total das descargas de entre os cinco portos do Cantábrico.
Ás boas cifras nas descargas de merluza, a rula burelense tamén toma a dianteira en canto ao precio de venda, que chegou a alcanzar os 4,49 euros de media por quilo no 2015, e tamén en canto á súa capacidade de atraer frota foránea á súa cancha de ventas.
Candia tamén aproveitou para poñer en evidencia o importante papel que xoga a pesca “non só como motor económico na zona, senón tamén como xeradora de emprego”, pois a arte do pincho require a contratación de 4 mariñeiros máis por barco o que atrae máis poboación á vila.
Tamén destacou a importancia que a pesca do bonito supón para a economía galega e de Burela, “unha das capturas estacionais máis importantes, non só polas cifras de descarga que aporta, senón tamén pola súa calidade”. Así, recordou que o bonito que sae a través deste porto leva unha etiqueta verde que acredita a súa calidade e que o sistema de captura respecta o medio ambiente, ao facerse de xeito selectivo, a cacea, sen afectar ao resto de especies.
Burela, exemplo de solidariedade e de inversión
Máis tarde, nun encontro cos veciños de Burela, a Presidenta do PP de Lugo recordou tamén que a inmigración, froito da prosperidade destas terras e da dinamización do sector pesqueiro, ten moito peso nesta rexión. “Sodes exemplo de integración e de solidariedade”, dixo Candia.
Ademais, destacou o importante papel que a Xunta de Galicia ten no impulso de Burela, con achegas económicas de 7 millóns para obras de acceso ao porto e de 2 millóns de euros para obras e novas dotacións tecnolóxicas do Hospital da Costa, converténdose así nun dos concellos que recibiu maior inversión do Executivo galego nos últimos anos.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
