22 de xuño de 2016.- Os candidatos populares ao Congreso Joaquín García Díez e Jaime de Olano acompañados do coordinador comarcal da Mariña, José Manuel Balseiro e do deputado Vidal Martínez-Sierra visitaron na mañá deste mércores a empresa Mamut Technology.
Desde o PP puxeron en valor o potencial emprendedor da Mariña que personalizan dun xeito moi destacado os promotores deste proxecto empresarial que se dedica ao deseño e fabricación de maquinaria agrícola e forestal, así como a desenvolver iniciativas de investigación e desenvolvemento.
Os populares aproveitaron a visita para dar conta dalgunha das medidas que pretenden impulsar no ámbito empresarial, en concreto, estender a tarifa plana de autónomos e quen inicie un negocio de tal xeito que só pagará 50 euros ao mes durante o primeiro ano
Desde o PP comprométense a, se gañan as eleccións, baixar os impostos, en contraposición coas propostas de PSOE e Podemos que pretenden recadar máis.