Santiago de Compostela, 07 de xuño de 2015. O deputado, no parlamento galego Daniel Rodas e a portavoz en Bruxelas do BNG, Ana Miranda, critican o “sesgo partidario e electoral” da visita do Director Xeral de Asuntos Marítimos e de Pesca, João Aguiar Machado que se reunirá unicamente con unha parte do sector e non convidar ao resto dos representantes da Comisión de Pesca do Parlamento galego cando acaba de realizar unhas xornadas baixo o título de “Marcando rumbos de futuro”, cuxas conclusións eran a necesidade da unidade do sector.
Rosa Quintana, utiliza a visita como unha cortina de fume para non falar dos problemas reais do sector que os conduce ao abandono da actividade e ao despezamento con medidas impulsada pola UE, entre as que Rodas e Miranda destacan: a imposición dun modelo de reparto individual que fai inviable a actividade, imposición de cotas a pesca artesanal, incluso nas capturas accidentais, venda de dereitos de pesca, aplicación dun Plan de acción da flota pesqueira 2015, medidas ata o 2020 no que perderemos un total de 569 barcos mentres outros países como Irlanda incrementan a súa flota ou outra flota dentro do Estado teñen un tratamento especial podendo aumenta en 21.000 GT´s o seu tamaño, imposición de cotas irrisorias para segmentos como a volanta que os abriga a pescar de forma irregular.
Os nacionalistas recalcan que o conxunto do sector rexeita o modelo de acuicultura intensiva que impón a UE, que obriga a cambiar un modelo sostible por outro intensivo obrigando as mariscadoras a transformarse en acuicultoras.
Miranda pregunta ao Director Xeral onde quedou o compromiso adquirido na visita realizada a Bruxelas en compañía dos armadores de ANACEF de abrir novas posibilidades aos barcos galegos para volver a faenar no caladoiro de Mauritania, e o resultado dos deberes encargados ao Goberno español, pero sobre todo, o seu compromiso de visitar Galiza e reunirse co Consello Galego de Pesca para coñecer en profundidade os problemas reais dun País altamente dependente da pesca.
Pola súa parte, o deputada Daniel Rodas, incide na problemática da etiquetaxe do mexillón, cuestión, explica, que foi perfectamente definida polo presidente da Comisión quen afirmou que “ante unha sentenza o que compre é acatala”, así como reunirse con ACERGA, que teñen denunciado o modelo actual de reparto e xa teñen trasladado información precisa para comprender o despropósito do modelo de reparto individual baseado en supostos dereitos históricos, dereitos que benefician a quen máis pescou e penaliza a quen regulou e aplicou un modelo sostible.
O BNG censura a falta de ética da titular de Mar, utilizando os resortes políticos non para enfrontar o drama que está a vivir o sector do mar senón para tapar a contestación social de todo un País que rexeita o actual modelo que “precariza a actividade e privatiza o dereito a poder pescar”, a desenvolver unha acuicultura sostible e un marisqueo baseado na calidade da auga, e non na produción en mans duns poucos. Preguntámonos que ten que ocultar Rosa Quintana para reunirse cunha única parte do Consello Galego de Pesca e impedir que o resto poida facer o mesmo ?
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
