Lugo, 28 de xuño de 2016.- Os populares sacaron adiante tamén por unanimidade unha iniciativa para que a Deputación Provincial colabore na elaboración e execución dos plans de emerxencia municipais dos concellos.
A voceira do PP, Elena Candia, salientou a importancia desta iniciativa, pois apuntou que “a realidade da nosa provincia non é outra que a maioría dos concellos que a conforman son pequenos e medianos municipios, e moitos deles non teñen nin a capacidade técnica nin financeira suficiente para poder afrontar a elaboración do seu plan de emerxencia municipal correspondente”.
Candia precisou que “a Lei 5/2007 de 7 de maio de emerxencias de Galicia define con claridade o papel de cada un dos axentes implicados en protección civil e emerxencias e, fundamentalmente, das administracións públicas con competencias na materia”. Deste xeito, os concellos son os encargados de elaborar e aprobar o plan de emerxencia municipal, os plans de actuacións municipais e, xeral, calquera outros instrumentos de planificación de protección civil no ámbito municipal”. A popular indicou tamén que “o artigo 26 b) establece que é competencia das Deputacións Provinciais facilitar a asistencia técnica e financeira aos municipios da provincia para a elaboración e execución dos plans de emerxencia”.
A popular indicou que “consideramos necesario que a Deputación Provincial de Lugo habilite mecanismos de axuda aos concellos que o precisen para a elaboración dos seus plans de emerxencias municipais, tendo en conta que a propia Lei de Emerxencias de Galicia o contempla”. Candia precisou que é de vital importancia esta colaboración para que os concellos saiban a quen dirixirse, “especialmente a aqueles Concellos máis pequenos”.
A voceira salientou que “é fundamental sobre todo para unha forma de actuación coordinada. Así, explicou que esta medida “pode servir de base para que os propios Concellos nos Plans de Obras que se articulen dende institución provincial e nos Plans Marcos que se articulen dende a institución autonómica, poidan canalizar as súas inversións pensando no que é máis importante para os veciños e veciñas que, sen dúbida, é a seguridade”.
Candia resaltou que “facer ese estudo detallado acompañado de persoal formado, incluso ante a forma de actuar fronte a unha emerxencia, para moitos Concellos é fundamental, xa que así terán un instrumento que lles indique como intervir e tamén en caso de que ocorra unha desgraza terán estandarizada unha forma de actuar que tamén poida delimitar a súa responsabilidade”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
