Burela, 17 de xuño de 2016.- A candidata socialista ao Congreso, Margarita Pérez Herraiz, defendeu este venres, nunha reunión cos 6 patróns das confrarías da Mariña de Lugo, desenvolver unha boa política de cotas que garanta un reparto xusto e equilibrado entre flotas, artes e Comunidades Autónomas; así como rematar coa ordenación dos caladoiros nacionais e aprobar os plans de xestión pendentes. Lembrou que rexistrou unha proposta no Congreso, precisamente para reclamar o cambio no reparto das cotas, pois o sector do cerco en Galicia considérao inxusto.
Pérez Herraiz, acompañada do voceiro de Pesca no Parlamento, José Ramón Val Alonso, analizaron en Burela a situación deste sector na Comarca con profesionais do mesmo. A candidata ao Congreso remarcou que a “pesca é a gran desaparecida da xestión do PP” e denunciou “o reparto compulsivo de cotas nalgunhas flotas e caladoiros”.
Advertiu que diante deste panorama, o PSOE debe dar unha resposta contundente e comprometida cos traballadores do mar. “O PSOE traballará por impulsar unha política pesqueira europea que iguale os dereitos de acceso a recursos e axudas de todos os pescadores da UE. Promoverá cambios nos fondos europeos para que a pesca remate coa discriminación das mulleres e determinados colectivos dos traballadores do mar. Impulsará e defenderá a presencia española en caladoiros internacionais. Artellará, coas CCAA, un plan de acción coas confrarías de pescadores, organizacións de produtores, asociacións e cooperativas para impulsar o seu papel distribuidor, onde se permita xestionar industrias novas manufactureiras do produto que se capture. E mellorará a aplicación das medidas de control e inspección de España, sobre a trazabilidade e o etiquetados dos produtos. E promoverá a promoción dos produtos pesqueiros”.
125 millóns de euros con máis de 2.000 traballadores
O voceiro de Pesca remarcou a importancia do sector pesqueiro na nosa provincia. “A Mariña de Lugo moveu no último ano 40 millóns de quilos de peixe desembarcado, que traducidos ao valor do mercado supuxeron máis de 125 millóns de euros. E conta cunhas cifras de emprego directo por riba dos 2.000 traballadores e 200 embarcacións censadas”. Subliñou que “a pesca na Mariña ten futuro, si somos capaces de promover a súa innovación, si buscamos entre todos criterios xustos de repartos de cotas e si somos capaces de crear unha normativa que teña en conta ás persoas traballadoras do mar”.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
