Lugo, 17 de xuño de 2016.- A campaña de promoción de Lugo como cidade universitaria e de descontos do 50% na matrícula para primeiros estudantes en 10 titulacións do Campus lugués, que leva por nome Para estudar, Lugo, está a ter bos resultados. Pois, en tan só unha semana, a web www.paraestudarlugo.com recibiu 5.000 visitas de toda España e do estranxeiro.
Así o comunicou este venres a voceira provincial socialista, Pilar García Porto, que adiantou que os 120.000 euros que achega a Deputación para asumir a metade dos custos da matrícula, permitirán beneficiar a máis de 400 alumnos. “Por certo, o mesmo número de becas que a Xunta de Galicia rexeitou conceder a outros tantos estudantes galegos, limitándose a dar unhas 190 en toda a Comunidade. Isto significa, que o Goberno galego do PP rexeitou case o 70% das becas solicitadas. Este é o compromiso de Feijóo coa educación pública, que dista moito do desta Deputación”, remarcou.
Das 5.000 visitas a www.paraestudarlugo.com, máis do 10% proveñen de países como Rusia, Estados Unidos, Alemaña ou Portugal, “o que demostra que a campaña está a promocionar e fomentar o Campus de Lugo máis alá das nosas fronteiras”, subliñou a voceira. O 90% restante de visitan son de España: máis do 14% son de Madrid e outro 10% de cidades como Barcelona, Valladolid, Xixón, León, Santiago de Compostela ou A Coruña.
Redes Sociais
Nas redes sociais, a campaña está a ter como principal foco de comunicación os perfís oficiais do Campus Terra e da Deputación de Lugo. As publicacións no Facebook da Deputación de Lugo tiveron un alcance de máis de 30.000 persoas e foron compartidas por máis de 100 usuarios. A estas publicacións, habería que sumar as realizadas polas páxinas asociadas á Universidade de Santiago de Compostela. En Twitter, a campaña estase a promover co uso do hashtag #paraestudarlugo, así como con diferentes accións e imaxes. Nesta última semana, publicáronse arredor de 120 chíos con dito hashtag ou relacionados co programa de bolsas.
García Porto apuntou que Deputación e USC levan a cabo a 3ª edición da campaña Para estudar, Lugo logo dos resultados acadados coas anteriores convocatorias, pois, en dous anos, conseguiuse incrementar nun 10% a taxa de ocupación da totalidade de prazas do Campus de Lugo, así como nun 18% a das 10 titulacións con descontos na matrícula. Estas son as seguintes: Enxeñaría de Procesos Químicos Industriais; Enxeñaría Civil; Enxeñaría en Xeomática e Topografía; Enxeñaría Agrícola e Agroalimentaria; Enxeñaría Forestal e do Medio Natural; Lingua e Literatura Españolas; Ciencias da Cultura e Difusión cultural; Relacións Laborais e Recursos Humanos; Xestión de Pequenas e Medianas Empresas e Administración e Dirección de Empresas.
Cláusulas Sociais
A Xunta de Goberno aprobou a contratación do servizo de vixilancia do Pazo de Tor, cunha dotación de 33.577,5 euros e por un prazo de 5 meses. Xosé Ferreiro e García Porto subliñou que, como novidade, a Deputación implicou aos sindicatos neste proceso de contratación, pois FES-UGT, FTSP-USO, CC.OO e CIGA propuxeron 5 empresas que defenden os dereitos dos traballadores para participar neste procedemento negociado, no que a Deputación de Lugo tiña que convidar a lo menos a 3 entidades. Ademais, como segunda novidade, incorporáronse cláusulas sociais a este contratos para blindar os dereitos salariais e laborais dos 2 traballadores da entidade que resultou adxudicataria durante a súa relación contractual co organismo provincial.
García Porto puxo en valor o traballo levado a cabo dende 2014 no eido da contratación pública, pois “conseguimos que hoxe sexan 655 os empregados que teñen blindados os seus dereitos laborais coas cláusulas nos contratos e programas subvencionados da Deputación de Lugo. Hai outras administracións do país, como o Ayuntamiento de Madrid, que está a copiar o modelo de contratación pública que a Deputación de Lugo leva aplicando dende hai 2 anos; ademais de estar traballando na elaboración duns futuros Presupostos Participativos, que a Deputación de Lugo tivo no 2015, sendo totalmente pioneira en España”.
Certificacións electrónicas
A Xunta de Goberno aprobou a adhesión da Deputación de Lugo á PASAXE, á Plataforma de Interoperabilidade, que permite o intercambio de información entre as distintas administracións públicas do país. Deste xeito, evítase que os cidadáns teñan que aportar, constantemente, documentación ás distintas institucións a hora de levar a cabo trámites, como participar en procesos de contratacións ou solicitar unha subvención. Unha vez que o cidadán presente a documentación nunha administración, dixitalizarase e colgarase nesta plataforma, estando ao acceso de todas as administracións. Por exemplo, custodiaranse datos de identidade; de residencia e padrón; catastrais; certificacións de titularidade; certificados nos pagamentos da seguridade social; altas e baixas na Seguridade Social, títulos universitarios…, ata un total de 50 indicadores. Simplificaranse trámites e axilizaranse os procedementos.
Máis emprego
A Xunta de Goberno resolveu a contratación de dous desempregados lucenses, que iniciarán a súa actividade laboral noutras tantas empresas e entidades da provincia, ao abeiro do Ben Empregado. Trátanse dun Xefe Documental para produtos do sector turismo que traballará na cidade de Lugo e un diplomado ou licenciado en Matemáticas para a realización de actividades extraescolares nunha entidade de Sarria.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
