A Mariña, 17 de xuño de 2016.- A candidata ao congreso polo BNG – Nós Candidatura Galega Olalla Rodil, afirmou en Burela que o sector pesqueiro galego ter voz propia nas Cortes Xerais do Estado para defender os seus intereses e lembrou que nos últimos cinco meses ninguén falou dos pesca mariñá en Madrid. O sector sabe que as políticas executadas polos sucesivos gobernos galego e español son timoratas fronte ás medidas impostas pola comisión europea, empeñada en poñer en dificultades e mesmo facer desaparecer ao sector pesqueiro galego, o mais potente e avanzado de Europa.
Nos últimos cinco meses non houbo iniciativas no Congreso con efectos na flota da comarca
Para Olalla Rodil, non acabamos de ver a ningunha das outras forzas políticas que se presentan e estiveron estes conco meses en Madrid falar do sector pesqueiro en Galiza, “uns non falan disto porque non teñen proposta ningunha; outros, que levan anos gobernando por quendas, porque non teñen nada que dicir preocupados por tapar a falta de contundencia na defensa dun sector básico e fundamental para a economía galega do que viven milleiros de persoas tanto no mar como en terra”. “Botouse en falta a presenza do BNG nas Cortes nos últimos cinco meses, ademais de escasas – so dúas iniciativas – ningunha delas tiña efectos sobre o sector desta comarca, polo que sobra explicar a necesidade da presenza do BNG en Madrid para que o sector pesqueiro teña un canle política para trasladar os seus problemas ás Cortes Xerais do Estado.
A expatriación de barcos de capital galego e tripulacións fora para poder pescar evidencia a necesidade de que Galiza teña peso político e voz para defender os seus intereses
A cabeza de lista por Lugo do BNG – Nós Candidatura Galega visitou Burela para manter un encontro co sector pesqueiro mariñao. Olalla Rodil interesouse polos barcos de capital galego e as súas tripulacións afectadas pola obriga de cotizar na seguridade francesa. Neste sentido manifestou que os problemas existentes coa seguridade social de mariñeiros debera ter unha solución urxente, pero tamén afirmou que cando se expatrían traballadores e barcos a Francia e outros estados por falta de cotas aquí, faise evidente a ausencia de presión política da Xunta e a incapacidade do goberno do Estado para evitar o desmantelamento da frota galega e protexer as condicións sociais das tripulacións.
Olalla Rodil xunto coa candidata mariñá ao congreso, Montse Porteiro, e unha delegación da executiva comarcal do BNG, escoitou na sede da Federación de Confrarías ao sector, e trasladoulles as propostas programáticas do BNG – Nós. Segundo a cabeza de lista ao congreso “non podemos permitir que un sector produtivo como a pesca, moderno e especializado, no que Galiza é punteira e moi dependente, paralice o seu desenvolvemento pola falta de contundencia na súa defensa dos gobernos galego e español fronte ás políticas do xendarme europeo e a súa maquinaria para despezar barcos”, explicou Rodil.
A principal oferta do BNG nestas eleccións é traballar como o fixeron os e as representantes que nos precederon, ese é o noso principal aval
A alternativa que defende BNG – NÓS pasa por “negociar con contundencia diante da UE cuestións como a Política Pesqueira Común que lembrou, o nacionalismo galego xa rexeitou a través da europarlamentaria Ana Miranda”. Non pode ser, afirmaron “que as posicións timoratas dos gobernos populares de Santiago e Madrid condenen á nosa flota a dar por válidas medidas como os descartes ou a nova lei galega de acuicultura, elaboradas desde os despachos, sen ter en conta os efectos negativos sobre o emprego e a subsistencia do sector”.
BNG – Nós preséntase para defender inequivocamente os intereses das galegas e galegos, os nosos sectores produtivos e o dereito a vivir e traballar na propia terra; “a pesca é un sector estratéxico para A Mariña e Galiza polo que o BNG – NÓS será correa de transmisión en Madrid como o ven sendo o nacionalismo galego a través do BNG desde fai 20 anos”, afirmou Montse Porteiro, número tres da candidatura ao Congreso.
A primeira sesión, de 11:00 a 12:30 h, contará cun autor asturiano destacado polo seu traballo arredor do mundo rural e da cultura campesiña. A actividade é aberta, participativa e gratuíta ata completar aforo.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Na presentación participaron o delegado territorial da Xunta, Javier Arias; o Deputado de Cooperación e Asistencia aos Concellos, Xosé María Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
