Viaxe a Viana do Castelo dende Tapia

Aínda coas actividades en Sierra de Peñamayor pendentes e a Ruta da Costa Naviega, este sábado 18 e domingo 19 de xuño, o grupo de montaña do Club Marqués de Casariego prepara unha viaxe a Viana Do Castelo, Portugal, entre o 1 e o 3 de xullo con saída dende Tapia o venres ás 16.00 horas para visitar o entorno, cear e aloxarse en rexime de media pensión. O sábado será a quenda da ruta Socalcos de Sistelo – Arcos de Valdévez, no Parque Nacional de Peneda – Gerés coñecido como o “Pequeno Tibet portugués”. Tralo xantar teñen previsto visitar a Ponte da Limia e Barcelos. Finalmente, o domingo subirán en funicular ao Santuario de Sta. Lucía, visitarán o Navío Gil Eannees (buque – hospital portugués) e darán un paseo en barco á praia de Cabeledo. Os interesados e interesadas poden inscribirse ata o mércores 29 de xuño a través dos teléfonos 689 175 515, 659 000 707 ou 608 540 828 ou do enderezo electrónico cdbmarquesdecasariego@gmtapia.es. O prezo da actividade é de 102 euros, 85 para soci@s ou 70 para soci@s colaborador@s.