Foz, 22 de xullo de 2016. As obras de remodelación da rúa Álvaro Cunqueiro levaranse a cabo a través do convenio que asinarán o Concello e a Deputación de Lugo e que foi aprobado este venres na xunta de goberno do organismo provincial. O investimento ascende a 1.300.000 euros.
O alcalde, Javier Jorge Castiñeira, sinala que “no concello de Foz temos hoxe unha información importante que afecta á obra de remodelación da rúa Álvaro Cunqueiro, que é da Deputación. No día de hoxe na xunta de goberno provincial un dos asuntos incluídos foi a aprobación dese convenio entre o Concello de Foz e a propia Deputación”.
O rexedor focense subliña que “estamos a falar dun orzamento de 1.300.000 euros aproximadamente, do cal a Deputación de Lugo asume 700.000 euros e o Concello os outros 600.000 euros”.
Javier Castiñeira salienta que “é un paso adiante moi importante que se suma ao que se deu a semana pasada, cando a Xunta e o Concello asinamos un convenio no que a administración autonómica aporta 860.000 euros para arranxar a Avenida da Mariña. Con isto farase unha reestruturación global das dúas rúas comerciais máis importantes de Foz”.
O alcalde engade que “no que atinxe á Deputación de Lugo quero agradecer desde o concello de Foz ao seu goberno, que preside Darío Campos, por sacar adiante primeiro dentro do que é o uso do remanente para financiar esta obra en dous anos, 2016 e 2017, e tamén agradecer a firma do convenio, que se realizará en próximas datas. Pero tamén o compromiso de Elena Candia e do equipo de goberno do Partido Popular que inicialmente, cando estivo na Presidencia, arrancou este proxecto financiándoo con 12.000 euros, pois sen iso sería imposible. É verdade que houbo despois acordos plenarios que asentaron este proxecto e un compromiso que levou tamén o Partido Popular, pero si é ben certo que é un traballo unido de todos os partidos. Eu creo que os méritos deben ser para todos os partidos que están traballando agora mesmo na Deputación dunha forma coordinada e grazas a ela se pode levar este proxecto adiante”.
Castiñeira considera que “hoxe é un paso importante a aprobación na xunta de goberno da Deputación, despois firmarase o convenio e a partir de aí a licitación dese proxecto e o inicio da obra no último trimestre, moi probablemente, que pode coincidir tamén coa da Avenida da Mariña, que hai que coordinar. Estamos ante un paso importante no que é o aspecto do centro urbano de Foz”.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
