Cervo, 15 de xullo de 2015. O Partido Popular levou ao pleno deste xoves dous investimentos que deberan ruborizar ao alcalde e ao conxunto do seu grupo de goberno. Por un lado vanse investir 54.000 euros en reparar o emisario e estación de bombeo da antiga rede de saneamento que verte augas residuais ao mar sen depurar na zona da Praia de Cubelas cando hai un ano que se puxo en funcionamento a estación depuradora e novas redes xerais que a deberan substituir pero que tampouco funcionan como se demostra co feito de que o propio goberno local noutro punto do pleno propón destinar case 27.000 euros para reparacións do tanque de tormentas novo.
O BNG censurou no pleno de onte a desastrosa política executada polo goberno municipal do Partido Popular por cargar sobre as arcas municipais o abandono, a incompetencia e a deixadez na xestión das redes de saneamento e depuración de augas residuais no concello de Cervo.
Un gasto de 54.000 euros na estación de bombeo e o emisario vello que se debera estar desmantelando
Por un lado o goberno presentou como positivo un gasto de 54.000 euros en reparar a vella estación de bombeo e o emisario que verte na zona da Praia de Cubelas en San Cibrao parte das augas residuais non conectadas á nova rede de saneamento que si conta con estación depuradora e emisario submarino posto en funcionamento en Maio do ano pasado.
Para a formación nacionalista esta é a demostración de que a rede de saneamento e estación depuradora de San Cibrao non funciona ao 100% e que unha parte da localidade seguirá vertendo augas residuais sen depurar ao mar durante tempo xa que o lóxico sería desmantelar a vella para substituíla pola nova.
O portavoz municipal, Luís Bernardo Insua, afirmou que en San Cibrao vai haber dobre rede de saneamento e dobre gasto: unha delas nova que non funciona a pleno rendemento que verterá augas residuais depuradas en Cuíña e outra vella que seguirá vertendo sen depurar nas proximidades da praia de Cubela cando deberá estarse desmantelando; é a incompetencia levada ao extremo e sería de risa se non fora que custa cartos reparala e custará cartos mantela.
Gastos en reparar a maquinaria da nova rede de saneamento e depuración de residuais a un ano de empezar a funcionar
Por outra parte o goberno municipal leva a pleno un gasto de 26.000 euros para reparar o tanque de tormentas da rede de saneamento nova que empezou a funcionar en maio de 2015 e polo tanto ou xa viña defectuosa ou a tardanza en poñela en funcionamento fixo que se deteriorara, calquera cas razóns é inxustificábel para que o concello teña que acometer agora esta actuación se o goberno municipal estivera atento na recepción dun equipo que deberá estar en perfectas condicións un ano despois de comezar a funcionar, afirmou o portavoz nacionalista.
Outro exemplo do desastre na xestión do sistema de saneamento en Cervo
Luís Bernardo Insua, non só responsabilizou ao goberno municipal do dobre gasto en obras e mantemento no saneamento en San Cibrao, tamén o fixo no de Cervo, que a pesar de ser unha instalación modélica desde o punto de vista medioambiental polo sistema ecolóxico de depuración, a falta de coidados, os recortes orzamentarios, e a deixadez dos responsábeis municipais fai que produza malos olores, e verta mais tempo as augas sen depurar que depuradas ao río Xunco.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
