José Tomé Roca abriu este venres no club náutico do municipio mariñán un encontro entre os empresarios da provincia e o Cónsul de Uruguai “coa convicción de que apoiar a internacionalización é clave para o crecemento das nosas pemes e autónomos”
Lugo, 27 de xuño de 2025. O Presidente da Deputación de Lugo, José Tomé Roca, inaugurou este venres no club náutico de Ribadeo unha xornada da Confederación de Empresarios de Lugo (CEL), coa que colabora a institución provincial, para impulsar a internacionalización das empresas lucenses en Latinoamérica. Na cita participou o Cónsul de Uruguai en Galicia, Asturias, Cantabria e País Vasco, Ramiro Rodríguez Bausero; e o Director xeral de Antea Group en España e Latinoamérica, Fernando Illanes Álvarez.
Na súa apertura Tomé Roca destacou que “a Deputación de Lugo súmase a esta iniciativa coa convicción de que apoiar a internacionalización é clave para o crecemento das nosas pemes e autónomos. Nun mundo cada vez máis interconectado, mirar cara novos mercados non é unha opción, senón unha necesidade”.
Subliñou que “Uruguai é un mercado que destaca pola súa estabilidade política, a súa seguridade xurídica e a súa calidade democrática e por ser un país que ofrece confianza, seriedade e apertura ao inversor estranxeiro”. Puxo en valor que a relación con España é “fluída e sólida, reforzada por acordos bilaterais que facilitan as relacións comerciais e protexen a inversión. En sectores como as enerxías renovables, as infraestruturas, o turismo, a banca ou os servizos dixitais, as empresas lucenses teñen moito que aportar”.
Tomé Roca engadiu que “Lugo é unha provincia con talento, con innovación e con capacidade para competir no exterior” e avanzou que esta xornada marca “un paso importante previo á misión empresarial que se está organizando tras o verán a Uruguai e Arxentina, e que tamén conta co respaldo desta Deputación”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
